QR Parlament Májilisiniń depýtaty Amanjan Jamalov HQKO-da qaitys bolǵan adamdardyń týystarynan keshirim surady, - dep habarlaidy "Ult aqparat" kaz.tengrinews.kz portalyna silteme jasap.
"BAQ-qa bergen suhbatyma bailanysty aitqym keledi. Birinshi kezekte HQKO-da qaitys bolǵandardyń týystary men jaqyndaryna qaiǵyryp, kóńil aitamyn. Sonymen qatar, kútpegen suraqqa jaýap bergen sátimde qate sóz sóilegenim úshin keshirim suraimyn. Oqiǵaǵa bailanysty taǵy da kóńil aitamyn, keshirim suraimyn", - dedi Jamalov.
Aita keteiik, depýtat osyǵan deiin sóziniń durys túsinilmegenin aitqanedi. "Men adamnyń kez kelgen jerde qaitys bolýy múmkin ekenin aitqym keldi, al meni joq jerden jalmaýyzǵa ainaldyrdy", - degen edi ol.
Jamalovtyń aitýynsha, depýtat baspasóz ókilderine úkimet saǵatyndaǵy máseleler jaiyndaǵy suraqtarǵa jaýap berýi tiis edi, naqtyraq aitqanda ol keden jáne salyq ákimshiliktendirýi jaily aitpaq bolypty. Biraq ol Bishimbaevtyń ustalýy, BJZQ-ǵa qatysty qylmystyq is jáne ýaqytsha tirkeýge bailanysty suraqtar qoiylady dep kútpepti.
Eske salaiyq, búgin, 16 qańtarda Alataý aýdandyq Halyqqa qyzmet kórsetý ortalyǵynda 1964 jylǵy Kýntakov Jaras Nýrkibaiuly qaitys boldy. Ol ortalyqqa turǵylyqty jeri boiynsha tirkelý úshin kelgen. "Azamattarǵa arnalǵan úkimet" memlekettik korporatsiiasynyń ókilderi oqiǵa kezinde "HQKO-da adam sany kóp bolmaǵan" deidi.
