"Amanat" (Nur Otan) partiiasynan sailanǵan Májilis depýtaty Amanjan Jamalov Ulttyq bank tóraǵasy Ǵalymjan Pirmatovqa saýal joldap, depozitke 10% kóleminde syiaqy aýdarý bastamasynan bas tartýdy usyndy, dep habarlaidy Sputnik Qazaqstan.
Onyń pikirinshe, bul - tiimsiz ideia.
"Biz bankterde jinaǵy bar azamattardy qoldap jatyrmyz, iaǵni biýdjet qarajaty shynymen memleket kómegin qajet etetin azamattar sanatyna baǵyttalmaidy", - dedi depýtat.
Jamalov Úkimet pen Ulttyq bank prezident jariialaǵan el damýynyń basym baǵyttaryna qaishy áreket etip otyrǵanyn atap ótti.
"Sonymen qatar syiaqyny alý úshin depozitti keminde 12 ai boiy saqtaý mindetti shart ekenin, sondai-aq dollar baǵamy 15%-ten astam óskenin jáne aǵymdaǵy qubylmalylyqty eskersek, usynylyp otyrǵan "bir rettik" shara azamattardyń shetel valiýtasyn satyp alýyn toqtata almaidy", - dep atap ótti Amanjan Jamalov.
Ol tiimsiz shara retinde depozitke 10% kóleminde syiaqy esepteýdi toqtatýdy, ol qarajatty halyqtyń áleýmettik osal toptaryn qoldaýǵa jáne áleýmettik tólemderdi infliatsiia deńgeiine deiin indeksatsiialaýǵa jumsaýdy usyndy.
