Májilis depýtaty Irina Smirnova densaýlyq saqtaý vitse-ministri Liýdmila Biýrabekovanyń qyzmetinen ketýine qatysty pikir bildirdi. Bul týraly ol Facebook-tegi paraqshasynda jazdy, - dep habarlaidy Tengrinews.kz saity.
Smirnovanyń pikirinshe, burynǵy vitse-ministr óz áreketi úshin jaýap berýi kerek.
Depýtat Liýdmila Biýrabekovany vitse-ministr bolǵan kezde "otandyq farmatsevtika ónerkásibin damytýǵa múmkindik bermedi, qazaqstandyq ǵalymdardyń aspaptary men preparattaryna klinikalyq zertteýler júrgizýge kedergi keltirdi" dep aiyptady.
Onyń aitýynsha, Biýrabekova "sheteldik dári-dármekterdi kórshi memleketterge qaraǵanda birneshe ese qymbat baǵamen usynǵan", ári "zerthanalardyń bir jelisinde PTR taldaýdyń baǵasyn 20 myń teńgege kótergen".
"Meniń oiynsha, ol qyzmetinen jai alynǵan joq. Osy áreketteri úshin jaýap berýi kerek", - dep jazdy depýtat.
Eske salaiyq, 2020 jyldyń sáýirinde Liýdmila Biýrabekova densaýlyq saqtaý vitse-ministri qyzmetine taǵaiyndalǵan bolatyn. Al keshe, 23 qyrkúiekte Úkimet qaýlysymen Biýrabekova qyzmetinen bosatylǵan edi.
