مەجٸلٸس دەپۋتاتى يرينا سميرنوۆا دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆانىڭ قىزمەتٸنەن كەتۋٸنە قاتىستى پٸكٸر بٸلدٸردٸ. بۇل تۋرالى ول Facebook-تەگٸ پاراقشاسىندا جازدى, - دەپ حابارلايدى Tengrinews.kz سايتى.
سميرنوۆانىڭ پٸكٸرٸنشە, بۇرىنعى ۆيتسە-مينيستر ٶز ەرەكەتٸ ٷشٸن جاۋاپ بەرۋٸ كەرەك.
دەپۋتات ليۋدميلا بيۋرابەكوۆانى ۆيتسە-مينيستر بولعان كەزدە "وتاندىق فارماتسەۆتيكا ٶنەركەسٸبٸن دامىتۋعا مٷمكٸندٸك بەرمەدٸ, قازاقستاندىق عالىمداردىڭ اسپاپتارى مەن پرەپاراتتارىنا كلينيكالىق زەرتتەۋلەر جٷرگٸزۋگە كەدەرگٸ كەلتٸردٸ" دەپ ايىپتادى.
ونىڭ ايتۋىنشا, بيۋرابەكوۆا "شەتەلدٸك دەرٸ-دەرمەكتەردٸ كٶرشٸ مەملەكەتتەرگە قاراعاندا بٸرنەشە ەسە قىمبات باعامەن ۇسىنعان", ەرٸ "زەرتحانالاردىڭ بٸر جەلٸسٸندە پتر تالداۋدىڭ باعاسىن 20 مىڭ تەڭگەگە كٶتەرگەن".
"مەنٸڭ ويىنشا, ول قىزمەتٸنەن جاي الىنعان جوق. وسى ەرەكەتتەرٸ ٷشٸن جاۋاپ بەرۋٸ كەرەك", - دەپ جازدى دەپۋتات.
ەسكە سالايىق, 2020 جىلدىڭ سەۋٸرٸندە ليۋدميلا بيۋرابەكوۆا دەنساۋلىق ساقتاۋ ۆيتسە-مينيسترٸ قىزمەتٸنە تاعايىندالعان بولاتىن. ال كەشە, 23 قىركٷيەكتە ٷكٸمەت قاۋلىسىمەن بيۋرابەكوۆا قىزمەتٸنەن بوساتىلعان ەدٸ.
