Halyq kommýnisteri fraktsiiasynan májilismen Vladislav Kosarev memlekettik organdardyń ózen sýlarynyń kóterilýin, erigen qar sýynyń kólemin jáne iri sý aǵystarynyń baǵytyn boljap bile almaidy dep syn aitty, - dep habarlaidy kaz.tengrinews.kz.
Qazaqstan premer-ministri Baqytjan Saǵyntaevtyń atyna fraktsiia atynan depýtattyq saýal joldaýǵa Qazaqstannyń birneshe óńirindegi sý tasqyny jaǵdaiy sebep bolǵan.
"Sońǵy birneshe jylda eldi mekenderde sý tasqyny bolyp, joldardy sý alyp ketip jatyr, ókinishke qarai, adam shyǵyny da bar. Úkimettiń jinalystar, selektorlyq jiyndar ótkizip jatqanyn qys boiy baqyladyq. Onda jetekshiler shyǵarylǵan qar kólemin, bógetter men sý qoimalaryn bekitkenin aityp, sý tasqynyna daiyn ekeni jaily batyl baiandama jasaýmen boldy", - dedi Kosarev.
Depýtat jyl saiyn erigen qar sýynyń aldyn alýǵa qajetti qarajat bólinip jatqanyn atap ótti.
"Biraq kóktem kelip edi, barlyǵy júzip ketti. Al úkimetke Parlamenttegi jyl saiynǵy qaraýda respýblikalyq biýdjetten qajetti qarajat bólinedi. Jyl saiyn oqiǵa qaitalanady nemese úilerdi sý basyp, jaǵdai ýshyǵa túsedi. Sodan keiin jaýapty memlekettik organdardyń eshqaisysy ózen sýynyń kóteriletinin, erigen qar sýynyń kólemin jáne iri sý aǵystarynyń baǵytyn eshkim de boljam bilmegen bolyp shyǵady. Biyl da qiyn jaǵdai bolyp jatyr", - dedi májilismen.
Vladislav Kosarev úkimet osy máseleniń negizine úńilip, barlyq qaterdi keshendi túrde saraptap, bir ǵana durys sheshim jasaý kerek ekenin, osy arqyly jyl saiyn paida bolatyn máseleni sheshýge bolatynyn aitty.
"Bul tipti kóktemgi sý tasqyndaryna bailanysty apat jaǵdailarynyń aldyn alýǵa, eldi mekenderdi, joldardy, iri bqgetterdiń qurylysyn, gidroqurylystardy qorǵaý boiynsha injenerlik sharalarmen bailanysty bólek bir memlekettik baǵdarlama bolsyn. Ony júzege asyrý úshin qajetti qarajat bóleiik te, osy máseleni túbegeili shesheiik. Sebebi TJ-nyń saldaryn joiýǵa aldyn ala eskertýlerden de kóp aqsha jumsaimyz ǵoi", - dedi Kosarev.
