Májilis depýtaty Danabek Isabek Premer-Ministrdiń orynbasary – Mádeniet jáne aqparat ministri Aida Balaevaǵa depýtattyq saýal joldap, qazaq tilindegi sapaly tsifrlyq kontent tapshylyǵy ulttyq qaýipsizdik pen ideologiia máselesine ainalǵanyn málimdedi, dep habarlaidy ult.kz.
Depýtattyń aitýynsha, búginde balalar men jasóspirimderdiń dúnietanymyna mektepten buryn áleýmettik jeliler men tsifrlyq platformalar yqpal etip otyr. Ásirese jazǵy demalys kezinde olardyń internette ótkizetin ýaqyty birneshe ese artyp, túrli algoritmder usynatyn baqylaýsyz kontenttiń áserine túsedi.
«Bul endi jai ǵana mádeni másele emes. Bul – ulttyq qaýipsizdik, ideologiia jáne keleshek urpaqtyń dúnietanymy máselesi», – dedi depýtat.
Onyń pikirinshe, dál balalyq shaqta adamnyń oilaý júiesi, minez-qulqy, tildik ortasy men qundylyqtary qalyptasady. Alaida qazirgi tańda qazaq tilindegi balalar kontenti, animatsiialyq jobalar, ǵylymi-aǵartýshylyq baǵdarlamalar men tárbielik mediajobalar jahandyq tsifrlyq platformalardaǵy aqparat aǵynymen básekelese almai otyr.
Depýtat munyń saldary retinde kliptik oilaý júiesiniń kúsheiýin, ulttyq mádeni kodtyń álsireýin jáne sheteldik mádeni yqpaldyń artýyn atady.
Saýalda álemniń birqatar elderi tsifrlyq keńistikti ulttyq ideologiiany ilgeriletýdiń mańyzdy quraly retinde paidalanyp otyrǵany aitylǵan. Máselen, Ońtústik Koreia mádeni kontent arqyly jahandyq yqpalyn kúsheitse, Qytai balalarǵa arnalǵan tsifrlyq platformalardy qatań retteidi. Al Frantsiia men Germaniia ulttyq tildegi mediakontentti memlekettik deńgeide qorǵap keledi.
Osyǵan bailanysty Danabek Isabek Úkimetke birneshe usynys joldady. Atap aitqanda, balalarǵa arnalǵan qazaq tilindegi sapaly tsifrlyq kontentti damytý jónindegi ulttyq strategiia qabyldaý, jazǵy kanikýl kezeńinde internet qaýipsizdigi boiynsha profilaktikalyq jáne aǵartýshylyq sharalardy kúsheitý, balalar psihologiiasyna teris áser etetin kontentti shekteýdiń quqyqtyq jáne tehnikalyq tetikterin jetildirý, sondai-aq qazaq tilindegi animatsiia, balalar kinosy jáne ǵylymi-aǵartýshylyq mediajobalardy qarjylandyrý kólemin arttyrý máselelerin kóterdi.
Depýtattyń pikirinshe, qazirgi aqparattyq dáýirde memlekettiń shekarasy tek aýmaqpen ǵana emes, aqparattyq keńistik arqyly da qorǵalýy tiis. Sondyqtan qazaq tilindegi sapaly tsifrlyq ortany qalyptastyrý memlekettik saiasattyń basym baǵyttarynyń biri bolýy qajet.
