Parlament májilisiniń depýtaty Janat Omarbekova muǵalim mamandyǵynyń bedelin arttyrý boiynsha birikken otyrysta muǵalimderge paiyzsyz nesie berýdi usyndy. Bul týraly sputniknews.kz habarlady.
Májilis depýtaty bul usynysty halyqaralyq tájiribege súienip aityp otyr.
"Halyqaralyq tájiribeni alyp qarasaq, muǵalimderge paiyzsyz nesie berý – olardy sol mamandyqta ustap turý úshin taptyrmas shara", — dedi Omarbekova.
Onyń aitýynsha, bul amal eldegi muǵalim kadrlarynyń turaqtaýyna yqpal etedi.
Aita keteiik, kadrlardyń turaqtamaýy týraly taǵy bir halyq qalaýlysy Natalia Jumadildaeva da sóz qozǵaǵan edi.
Onyń pikirinshe, kadrlardyń turaqtamaýyn ulttyq deńgeide esepke alý kerek.
"Qazirgi ýaqytta mundai esep júrgizilip jatqan joq. Derekterdiń joqtyǵynan bul ahýal týraly, problemalar men mamandyqty tastaý sebepteri jaiynda bile almaimyz. Bul ustazdyń bedelin kóterý úshin tiisti sharalar qabyldaýǵa kedergi keltiredi", — deidi Jumadildaeva.
Depýtattyń málimetine súiensek, kadrlardyń turaqtamaýyna ustazdardyń jalaqysy men eńbek etý jaǵdaiyna kóńili tolmaýy sebep bolady.
"Aita ketsek, bilim berý júiesindegi kadrlardyń turaqtamaýyna halyqaralyq formýlamen baǵa beretin bolsaq, bizdiń elde kem degende muǵalimderdiń 1%-y basqa salaǵa aýysar bolsa, jarty milliard teńge shyǵynǵa ushyratady", — dep alańdaidy májilis depýtaty.
Muǵalimderdiń bedelin arttyrý qajettigi týraly Qazaqstan prezidenti Nursultan Nazarbaev 10 qańtardaǵy joldaýynda aitqan bolatyn.
