Májilis depýtaty Vladislav Kosarev ońaltý ortalyǵy qyzmetkerleriniń úsh-tórt aidan beri jalaqy ala almai otyrǵanyn aityp, densaýlyq saqtaý ministrin synǵa aldy, dep habarlaidy Sputnik Qazaqstan tilshisi.
Depýtattyń aitýynsha, Aqmola oblysyndaǵy esirtkige táýeldiler emdelip jatqan ońaltý ortalyǵynyń qyzmetkerleri ótken jyldan beri jalaqy almaǵan.
"Men ortalyqta ózim boldym. 70 adam emdelip jatyr, 40 adam jumys isteidi. Ótken jyldyń jeltoqsanynan beri bir tiyn da aqsha almaǵan, qaryzben kún kórip júr. Kómir, soliarka, azyq-túlik – bárin qaryzǵa alady. Bul qalai sonda? Men máseleni sheshýge tyrystym, alaida qolymnan eshteńe kelmedi", — dedi Kosarev májilistiń jalpy otyrysynda.
Depýtat munyń óte úlken qatelik ekenin jáne buǵan tek ministr ǵana emes, basqalary da kináli bolýy múmkin ekenin aitty.
"Ministrdiń densaýlyq saqtaý qyzmetkerleri aldyndaǵy bedeliniń tómendegeni sonshalyq, Eljan Amantaiuly (densaýlyq saqtaý ministri – avtor eskertp.) muny ómir boiy toqtata almaisyz dep oilaimyn. Bul - úlken qatelik, meniń oiymsha, siz muny jalǵyz ózińiz jasaǵan joqsyz. Sizge bireý kómektesken, múmkin sizdi qoldanǵan shyǵar", — dedi Kosarev densaýlyq saqtaý ministrine.
Onyń aitýynsha, ońaltý ortalyǵy jumysshylarynyń aldyndaǵy bereshek 65 million teńgeni quraidy.
