Foto: Májilis
Májilis depýtaty Jarqynbek Amantaiuly jyl saiyn elimizdegi qalalardyń birin «kitap astanasy» retinde tańdap otyrý kerek dep esepteidi. Onyń pikirinshe bul óńirlerde kitaptyń qundylyǵyn arttyrýǵa, ádebiettiń rólin kórsetýge, avtorlyq quqyqty qorǵaýǵa, aqyn-jazýshylarǵa qurmet kórsetýdi júieli túrde jolǵa qoiýǵa kómektesedi. Bul týraly Ult.kz habarlaidy.
Depýtat mundai tájiribe álemde bar ekenin aitady. Onyń sózinshe 1996 jyldyń 23 sáýirinen bastap IýNESKO Dúniejúzilik kitap jáne avtorlyq quqyq kúnin turaqty túrde ótkizip keledi. Bul bastamanyń sáttiliginiń nátijesinde, 2001 jyly Madrid qalasy «Dúniejúzilik kitap astanasy» bolyp tańdaldy.
Keiin bul tájiribe oń baǵalanyp, IýNESKO Bas konferentsiiasy «Dúniejúzilik kitap astanasyn» jyl saiynǵy dástúrli sharaǵa ainaldyrý týraly tarihi sheshim qabyldady. Nátijesinde, «kitap áleminiń júregi» jyl saiyn ár túrli qalaǵa qonys aýdaryp, bilim men mádeniettiń, ádebiet pen ónerdiń ortalyǵyna ainaldy.
Sodan beri álemniń kóptegen qalasy osy mártebeli missiiany abyroimen atqaryp keledi. 2002 jyly Mysyrdyń bilim ordasy Aleksandriia, 2003 jyly Úndistannyń saiasi astanasy Niý-Delii, 2004 jyly Belgiianyń kitap ortalyǵy Antverpen, 2005 jyly Kanadanyń mádeniet astanasy Monreal ataýly sharany qabyldady. Bul tizim ár jyl saiyn jańa qalamen tolyǵyp, kitap áleminiń alýan túrliligin pash etýde.
Biyl bul qurmetti missiia Braziliianyń Rio-de-Janeirosyna senip tapsyryldy. Dúniejúzilik kitap astanasy – bul tek merekelik shara emes, bul – kitaptyń bizdiń ómirimizdegi mańyzdylyǵyn eske salatyn, bilimge umtylýǵa shaqyratyn, mádenietter arasyndaǵy altyn kópirdi nyǵaitatyn jáne ádebiettiń qudiretine bas ietin mańyzdy bastama, masshtabty joba.
"Joǵaryda aitylǵandardy eskere otyryp, elimizde de osyndai oń tájiribeni qalyptastyrýdyń mańyzy zor dep sanaimyn. Osyǵan bailanysty, jyl saiyn elimizdegi qalalardyń birin «kitap astanasy» retinde tańdap, óńirlerde kitaptyń qundylyǵyn arttyrýǵa, ádebiettiń rólin kórsetýge, avtorlyq quqyqty qorǵaýǵa, aqyn-jazýshylarǵa qurmet kórsetýdi júieli túrde jolǵa qoiý qajet dep esepteimin.
«Kitap astanasy» estafetasyn Ulttyq kitap kúnimen úilestire otyryp, aýqymdy rýhani-mádeni bastamalardy, túrli deńgeidegi baiqaýlardy uiymdastyrýǵa tolyq múmkindik bar. Bul bastama Ulttyq kitap oqý kúni merekesiniń filosofiiasymen tolyqtai úndes jáne ózara sabaqtas bolyp tabylady, ári Prezident tapsyrǵandai, ataýly kúnniń mán-mańyzyn aitarlyqtai arttyra túseri sózsiz", - deidi depýtat J. Amantaiuly.
Depýtat usynysyn Qazaqstan Respýblikasy Premer-Ministriniń orynbasary E Kósherbaevqa joldady:
- 1. Respýblikalyq deńgeide jyl saiyn bir qalany «Qazaqstannyń kitap astanasy» retinde bekitý múmkindigin qarastyrý.
- 2. «Qazaqstannyń kitap astanasy» mártebesin ielengen qalada bir jyl boiy kitap oqýdy dáripteýge, ádebietti damytýǵa, avtorlyq quqyqty qorǵaýǵa jáne mádenietti qoldaýǵa baǵyttalǵan keshendi is-sharalar josparyn ázirleý.
- 3. «Qazaqstannyń kitap astanasy» jobasyn Ulttyq kitap kúnimen úilestirý jáne osy eki bastamanyń ózara tiimdiligin arttyrý mehanizmderin qarastyrý.
- 4. Jergilikti atqarýshy organdarmen birlesip, «Qazaqstannyń kitap astanasy» jobasyn iske asyrýǵa qajetti qarjylyq jáne uiymdastyrýshylyq qoldaý kórsetý máselesin qarastyrý.
