Foto: Pixabay
Depýtat Ulytaý oblysyndaǵy "Qazaqmys" korporatsiiasynyń kenishinde bolǵan qaiǵyly oqiǵaǵa bailanysty Premer-Ministr Oljas Bektenovke saýal joldady, dep habarlaidy Ult.kz.
"Qazaqmys" kásiporyndarynda jiilep ketken jazataiym oqiǵalar ónerkásiptik qaýipsizdik máselelerine nashar kóńil bólýiniń tikelei saldary ekeni anyq", -deidi Májilis depýtaty Arman Qalyqov.
Sondai-aq mundai tehnogendik apattar jyl saiyn elimizdiń kenishterinde, shahtalarynda jáne munai ken oryndarynda qaitalanyp keledi. Bul memlekettik ónerkásiptik qaýipsizdik institýttarynyń mańyzdylyǵy men qajettiligin kórsetedi dep sanaidy depýtat.
Depýtattar memlekettik ónerkásiptik qaýipsizdik júiesin qaita uiymdastyrýǵa bailanysty birneshe ret depýtattyq saýaldar joldaǵandaryn aitty. Sonymen qatar, ónerkásiptik qaýipsizdik salasyndaǵy baqylaý men qadaǵalaýdy kúsheitý boiynsha zańnamalyq jáne júielik normalardy usynǵan. Alaida Úkimet onyń ishinde Ulttyq ekonomika ministrligi bul mańyzdy zańnamalyq bastamany qoldamady dep otyr.
Depýtat óz kezeginde tórt usynys jasady:
1. Ónerkásiptik qaýipsizdikti qamtamasyz etý fýnktsiialaryn salalyq ministrlikterden bere otyryp, derbes jáne tikelei Premer-Ministrge esep beretin memlekettik organdy qurý jolymen ónerkásiptik qaýipsizdik salasyndaǵy memlekettik baqylaýdy kúsheitý jónindegi máselelerdi qaraý.
2. Qaýipti óndiristerde jumys isteitin qyzmetkerlerdiń ómiri men densaýlyǵyn saqtandyrý júiesin jetildirý jóninde sharalar qabyldaý.
3. Gaz qaýipsizdigi jónindegi sarapshylardy tarta otyryp, apattyń sebepterine dereý muqiiat jáne táýelsiz tergeý júrgizý. Kenishterdiń jeldetý júielerin kategoriiaǵa sáikestigin tekserińiz.
4. Eńbek qaýipsizdiginiń zamanaýi talaptaryna jaýap beretin taý-ken kásiporyndarynda jabdyqtar men tehnologiialardy jańǵyrtýdy qarjylandyrýdy qamtamasyz etý.
