Sýret: inverta.ru
Senator Amangeldi Tolamisov elimizdiń Premer-Ministri Álihan Smaiylovtyń atyna joldaǵan depýtattyq saýalynda býkmekerlik keńseler jarnamasynyń kóbeiip ketkeni týraly aitty, dep habarlaidy QazAqparat.
Depýtat bul másele Parlamentte birneshe ret kóterilgenine nazar aýdardy. «Oiyn biznesi týraly» zańda elektrondy kazinolar men internet-kazino qyzmetterine tyiym salynǵan, al «Jarnama týraly» zańda mundai kazinolar men olardyń qyzmetterine jarnama jasaýǵa da ruqsat etilmegen.
Senatordyń aitýynsha, qazir zańnamaǵa osyndai jarnama úshin jaýapkershilikti kúsheitetin normalar engizý mańyzdy.
«Oiyn avtomattary kez kelgen jerge qoiylǵan, stavka qabyldaý pýnkteri erkin jumys isteidi. Jarnama seriktesteri de kóbine býkmekerlik kompaniialardy jarnamalap, kún kórip otyrǵandyqtan, odan bas tartpasy anyq. Biraq belgili bir deńgeide toqtaý salmasa, qoǵamdaǵy jaǵdai ýshyǵyp barady», - dedi Amangeldi Tolamisov.
Senator aitqan derekter boiynsha qazir elimizde oiyn biznesi salasynda jumys isteýge litsenziiasy bar 50 uiym bar. Onyń ishinde 26 býkmekerlik keńse, 6 kazino, oiyn avtomaty qoiylǵan 10 zal, bás tigý pýnktteri (2500-ge jýyq) jáne 8 totalizator jumys isteidi.
