Foto: elements.envato.com
Ulttyq ekonomika ministri Álibek Qýantyrov qazaqstandyqtarǵa investitsiia salý boiynsha keńes berdi, - dep habarlaidy Tengrinews.kz.
Vedomstvo basshysy tanymaldyǵyna qaramastan, óz jinaǵyn kriptovaliýtada saqtamaitynyn moiyndady.
"Táýekelder bar, ásirese kriptovaliýtada, shyn máninde, negiz retinde naqty aktiv joq. Bul tipti derivativ emes, bul materialdyq zat emes. Onyń ústine, kriptovaliýta elektron ámiiandarda saqtalady. Taza tsifr retinde qarasańyz da, ol siz turatyn el aýmaǵynan alysta", - dedi ol.
Álibek Qýantyrov qazaqstandyqtarǵa kriptovaliýtaǵa investitsiia salý kezinde táýekelderdi eskerýdi usyndy.
"Barlyq aqshańyzdy tek bitkoin nemese laitkoinde saqtamańyz. Naryq ta ártúrli tendentsiialardy kórsetedi jáne kúrt quldyraý bolýy múmkin. Onda kóp aqsha joǵaltý yqtimaldyǵy bar. Investitsiialardyń bul túrine árqashan salmaqty túrde qaraý kerek", - dep qosty ministr.
Onyń pikirinshe, jinaqtardy tiimdi investitsiialaýdyń qaýipsiz joly - óz jinaqtaryńyzdy teńgelik depozitterde saqtaý.
"Qosymsha aqshańyz bolsa, árine, jyljymaityn múlikke, brokerler arqyly shetelge jáne t.b. investitsiialaýǵa bolady. Qazaqstandyqtar úshin eń ońai, eń qoljetimdi ádis - aqshany teńgemen depozitte saqtaý. Bul eń ońai joly. Aqshany ainaldyrý úshin jedel, merzimdi depozitter bar. Nege teńgede - baǵam dollarǵa qaraǵanda áldeqaida joǵary. Oǵan qosa, dollar nyǵaisa, adamdar da utylýy múmkin. Dollarmen eseptegende paiyz óte tómen - shamamen jylyna 1 paiyz", - dep túsindirdi ol.
Sondai-aq, ulttyq ekonomika ministri búginde qarajatty investitsiialaýdyń san alýan túrli quraldary bar ekenine toqtaldy.
"Biraq naryqty túsinbeitin qarapaiym adam bolsańyz, ony senimdi broker arqyly jasaǵanyńyz jón, sonymen qatar aktivterińizdi ártaraptandyrǵanyńyz durys", - dep túiindedi Qýantyrov.
