Qazaqstannyń depozitterge kepildik berý qory teńgelik depozitter boiynsha 2022 jyldyń naýryz aiyna usynylǵan eń joǵary syiaqy mólsherlemelerin bekitti, dep habarlaidy QazAqparat.
Merzimdik depozitterge tiesili 12 (on eki) ailyq maksimaldy mólsherleme 0,3 paiyzdyq pýnktke ulǵaidy.
Jekelegen bank salymdarynyń airyqsha shoǵyrlanýyna bailanysty 3, 6 jáne 24 ailyq merzimdik depozitter men 24 ailyq jinaqtyq depozitterge tiesili maksimaldy syiaqy mólsherlemeleri aqpan aiyndaǵy mándik deńgeiinde bekitildi.
2022 jyldyń 24 qańtarynda bazalyq mólsherleme ózgerýine bailanysty aýysqan merzimsiz depozitterdiń maksimaldy mólsherlemesi óz deńgeiinde qaldy.
Buǵan deiin eldegi qarjy turaqtylyǵyn qamtý maqsatynda 2020 jylyń 11 qańtarynda 3, 6 jáne 12 ailyq jinaqtyq salymdar mólsherlemesi ulǵaiǵan bolatyn.
Jaǵdaidyń turaqtalýy men depozitterdiń osy túrleri boiynsha naryqta qalyptasqan ortasha mólsherlemelerdi eskere otyryp, 2022 jyldyń naýryzynan bastap 3, 6 jáne 12 aiǵa jinaq salymdary boiynsha maksimaldy syiaqy mólsherlemesin birte-birte tómendetý týraly sheshim qabyldandy.
