QR Prezidenti Qasym-Jomart Toqaev buqaralyq pen balalar sportyna airyqsha nazar aýdarýdy tapsyrdy, dep habarlaidy QazAqparat.
«Elimizdegi densaýlyq saqtaýdy jańǵyrtý erekshe mańyzǵa ie. Pandemiia jaǵdaiynda bul máseleniń ózektiligi anyq kórindi, densaýlyq saqtaý júiesi patsientterge baǵdar alyp, olardyń múddelerin, densaýlyǵy men ómirin basty orynǵa qoiýy kerek. Mundai úlgige kóshý derbestendirý, tsifrlyq quraldardy engizý, halyqtyń bilikti dárigerlik kómekke qoljetimdigin keńeitý arqyly múmkin bolmaq», - dedi Qasym-Jomart Toqaev jetinshi shaqyrylymdaǵy Parlamenttiń birinshi sessiiasynda.
Osyǵan bailanysty, aýrýlardyń aldyn alý men erte diagnostikalaýǵa negizdelgen preventivti meditsinany damytý erekshe ról atqarady.
«Azamattardyń salaýatty ómir salty – salaýatty ultty qalyptastyrýdyń negizgi sharttary. Sondyqtan men Joldaýda atap ótken buqaralyq jáne balalar sportyna erekshe nazar aýdarý kerek. Taǵy da qaitalaǵym keledi, bul – strategiialyq mańyzy bar basym mindet. Meniń tapsyrmam boiynsha Úkimet buqaralyq jáne balalar sportyn qarjylandyrý tásilderin qaita qarady, olardy damytý úshin aitarlyqtai úlken resýrstarmen qamtamasyz etiledi. Bul mindet Parlament depýtattarynyń baqylaýynda bolýy tiis», - dedi Memleket basshysy.
