QR Densaýlyq saqtaý birinshi vitse-ministri Marat Shoranov «Koronavirýsqa qarsy vaktsinany ózderińiz saldyrýǵa daiynsyzdar ma?» degen suraqqa jaýap berdi, dep habarlaidy "Ult aqparat".
«Biz ministrden bastap, ministrlik basshylyǵy óz erkimizben ekpe saldyrýǵa baramyz. Qazirgi kezde bizdiń bas sanitarlyq dárigerimiz Erlan Qiiasov myrza jáne Densaýlyq saqtaý vitse-ministri Ajar Ǵiniiat hanym búgin Sputnik V vaktsinasyn saldyrýǵa daiyn. Jeke ózim qazaqstandyq vaktsinany tańdap otyrmyn. Bul vaktsina qoljetimdi bolǵan sátte, alǵashqylardyń biri bolyp osy ekpeni alamyn», - dep jaýap berdi Marat Shoranov Ortalyq kommýnikatsiialar qyzmetinde ótken baspasóz máslihatynda.
