Eldegi tótenshe jaǵdai rejimi kezinde qaitys bolǵan 225 adamnyń 175-i meditsinalyq uiymdarda kóz jumǵan. Bul týraly QR Densaýlyq saqtaý ministrligi qoǵammen bailanys departamentiniń direktory Ásel Artakshinova málim etti, dep habarlaidy QazAqparat.
«Elde Tótenshe jaǵdai engizilgen sátten bastap 2678 zardap shegýshi meditsinalyq kómekke, onyń ishinde 1815-i ambýlatoriialyq kómekke júgindi. Statsionarlyq em alǵan 863 adamnyń 598-i shyǵaryldy, 265 emdeýdi jalǵastyrýda. 67 naýqas aýyr halde reanimatsiiada jatyr. 500-den astam kúrdeli hirýrgiialyq operatsiia jasaldy. Bas prokýratýra málim etken qaitys bolǵan 225 adamnyń 175-i meditsinalyq uiymdarda kóz jumdy», - dedi DSM ókili.
Sondai-aq, ol osy kezeńde densaýlyq saqtaý nysandaryna 20 shabýyl jasalǵanyn aitty.
«Densaýlyq saqtaý nysandaryna 20 shabýyl jasaldy. Onyń ishinde Almaty qalasynda 5 statsionarǵa, 1 meditsinalyq-sanitariialyq alǵashqy kómek nysanyna jáne 14 dárihanaǵa, Almatyda 5 meditsina qyzmetkerine, Shymkent qalasy men Almaty oblysynda bir-bir meditsina qyzmetkerine shabýyl jasaldy. Almaty qalasynda – 31, Shymkentte – 7, Almaty oblysynda – 5, Jambyl oblysynda – 2, jalpy sany 45 jedel meditsinalyq járdem avtokóligi zardap shekti. Onyń ishinde 4 avtomobil jóndeýge kelmeidi», - dedi Ásel Artakshinova.
Mamannyń aitýynsha, Almatynyń úsh meditsinalyq klinikasy shamamen úsh táýlik boiy qorshaýda bolǵan.
«Almaty qalasynyń úsh meditsinalyq klinikasy - 1, 7 jáne 12 qalalyq aýrýhanalar shamamen úsh táýlik boiy terroristermen qorshaý jaǵdaiynda boldy, bul rette qyzmetkerler bul kezeńde aýysymsyz, birneshe táýlik boiy jumys istedi. Naýqastar úshin azyq-túlik jetkizilmedi, dárigerler patsientterge tamaq daiyndady.
Keibir zardap shekkender dárigerlerdiń suraqtaryna túsinbegen jáne memlekettik jáne orys tilderinde jaýap bermegen, meditsinalyq kómek alǵannan keiin meditsinalyq uiymdardan ruqsatsyz ketip, tipti belgisiz qarýly adamdardyń súiemeldeýimen reanimatsiiadan shyqqan jaǵdailar boldy.
Qazirgi ýaqytta respýblikanyń barlyq meditsinalyq uiymdary, onyń ishinde Almaty qalasy boiynsha da shtattyq rejimde jumys isteidi», - dep túiindedi DSM ókili.
