ەلدەگٸ تٶتەنشە جاعداي رەجيمٸ كەزٸندە قايتىس بولعان 225 ادامنىڭ 175-ٸ مەديتسينالىق ۇيىمداردا كٶز جۇمعان. بۇل تۋرالى قر دەنساۋلىق ساقتاۋ مينيسترلٸگٸ قوعاممەن بايلانىس دەپارتامەنتٸنٸڭ ديرەكتورى ەسەل ارتاكشينوۆا مەلٸم ەتتٸ, دەپ حابارلايدى قازاقپارات.
«ەلدە تٶتەنشە جاعداي ەنگٸزٸلگەن سەتتەن باستاپ 2678 زارداپ شەگۋشٸ مەديتسينالىق كٶمەككە, ونىڭ ٸشٸندە 1815-ٸ امبۋلاتورييالىق كٶمەككە جٷگٸندٸ. ستاتسيونارلىق ەم العان 863 ادامنىڭ 598-ٸ شىعارىلدى, 265 ەمدەۋدٸ جالعاستىرۋدا. 67 ناۋقاس اۋىر حالدە رەانيماتسييادا جاتىر. 500-دەن استام كٷردەلٸ حيرۋرگييالىق وپەراتسييا جاسالدى. باس پروكۋراتۋرا مەلٸم ەتكەن قايتىس بولعان 225 ادامنىڭ 175-ٸ مەديتسينالىق ۇيىمداردا كٶز جۇمدى», - دەدٸ دسم ٶكٸلٸ.
سونداي-اق, ول وسى كەزەڭدە دەنساۋلىق ساقتاۋ نىساندارىنا 20 شابۋىل جاسالعانىن ايتتى.
«دەنساۋلىق ساقتاۋ نىساندارىنا 20 شابۋىل جاسالدى. ونىڭ ٸشٸندە الماتى قالاسىندا 5 ستاتسيونارعا, 1 مەديتسينالىق-سانيتارييالىق العاشقى كٶمەك نىسانىنا جەنە 14 دەرٸحاناعا, الماتىدا 5 مەديتسينا قىزمەتكەرٸنە, شىمكەنت قالاسى مەن الماتى وبلىسىندا بٸر-بٸر مەديتسينا قىزمەتكەرٸنە شابۋىل جاسالدى. الماتى قالاسىندا – 31, شىمكەنتتە – 7, الماتى وبلىسىندا – 5, جامبىل وبلىسىندا – 2, جالپى سانى 45 جەدەل مەديتسينالىق جەردەم اۆتوكٶلٸگٸ زارداپ شەكتٸ. ونىڭ ٸشٸندە 4 اۆتوموبيل جٶندەۋگە كەلمەيدٸ», - دەدٸ ەسەل ارتاكشينوۆا.
ماماننىڭ ايتۋىنشا, الماتىنىڭ ٷش مەديتسينالىق كلينيكاسى شامامەن ٷش تەۋلٸك بويى قورشاۋدا بولعان.
«الماتى قالاسىنىڭ ٷش مەديتسينالىق كلينيكاسى - 1, 7 جەنە 12 قالالىق اۋرۋحانالار شامامەن ٷش تەۋلٸك بويى تەرروريستەرمەن قورشاۋ جاعدايىندا بولدى, بۇل رەتتە قىزمەتكەرلەر بۇل كەزەڭدە اۋىسىمسىز, بٸرنەشە تەۋلٸك بويى جۇمىس ٸستەدٸ. ناۋقاستار ٷشٸن ازىق-تٷلٸك جەتكٸزٸلمەدٸ, دەرٸگەرلەر پاتسيەنتتەرگە تاماق دايىندادى.
كەيبٸر زارداپ شەككەندەر دەرٸگەرلەردٸڭ سۇراقتارىنا تٷسٸنبەگەن جەنە مەملەكەتتٸك جەنە ورىس تٸلدەرٸندە جاۋاپ بەرمەگەن, مەديتسينالىق كٶمەك العاننان كەيٸن مەديتسينالىق ۇيىمداردان رۇقساتسىز كەتٸپ, تٸپتٸ بەلگٸسٸز قارۋلى ادامداردىڭ سٷيەمەلدەۋٸمەن رەانيماتسييادان شىققان جاعدايلار بولدى.
قازٸرگٸ ۋاقىتتا رەسپۋبليكانىڭ بارلىق مەديتسينالىق ۇيىمدارى, ونىڭ ٸشٸندە الماتى قالاسى بويىنشا دا شتاتتىق رەجيمدە جۇمىس ٸستەيدٸ», - دەپ تٷيٸندەدٸ دسم ٶكٸلٸ.
