QR Densaýlyq saqtaý ministrligi ata-analardyń balalaryna ekpe ekkizýden bas tartý sebepterin atady, dep habarlaidy QazAqparat.
QR Ortalyq kommýnikatsiialar qyzmetindegi brifing barysynda elimizdiń Densaýlyq saqtaý ministrligi Meditsinalyq kómekti uiymdastyrý departamentiniń bas sarapshysy Gúlnar Sársenbaeva búgingi tańda Qazaqstanda maqsatty toptaǵy balalardy vaktsinamen qamtamasyz etýi 95 paiyzǵa jetip otyrǵanyn basa aitty.
«Iaǵni, biz Dúniejúzilik densaýlyq saqtaý uiymynyń usynystaryna sai kelemiz. Sonyń arqasynda búgingi kúni balalar arasynda difteriia, poliomielit dertterine shaldyǵý derekteri tirkelgen joq. Qyzylshamen aýyrý 19 ese tómendedi», - dedi ol BAQ ókilderiniń saýalyna orai.
Sonymen qatar Densaýlyq saqtaý ministrliginiń ókili 1998 jyldan bastap V virýstyq gepatitine vaktsina júrgizgen sátten beri balalar arasyndaǵy virýstyq gepatitpen aýrý deńgeii myń esege jýyq tómendep otyr.
«Degenmen, qazirgi ýaqytta ata-analardyń vaktsinadan bas tartýlary oryn alyp jatqanyn atap ótken oryndy. Negizgi sebepterdiń biri ata-analardyń jeke nanymy jáne dini nanym-senimi bolýynda. Sonymen qatar BAQ-taǵy teris aqparattarǵa bailanysty da bas tartyp jatady. Múmkinshilikti paidalana otyryp BAQ ókilderinen vaktsina máselesine qatysty shynaiy jáne senimdi aqparattar berýdi ótinemiz», - dedi Gúlnar Sársenbaeva.
