QR Densaýlyq saqtaý birinshi vitse-ministri Marat Shoranov «Densaýlyq saqtaý ministri Aleksei Tsoi birinshi bolyp vaktsina saldyra ma? Qai vaktsinany alady?» degen suraqqa jaýap berdi, dep habarlaidy QazAqparat.
«Ministr myrza bizben birge birinshi qatarda ekpe alýǵa daiyn. Ol da óz erkimen qazaqstandyq QazCovid-in vaktsinasyn saldyrýdy josparlap otyr. Bul vaktsina daiyn bolǵanda, zertteýler bitken soń, ol (ministr – red.) salǵyzady. Qashan ótetinin sizderge jariialaimyz jáne buqaralyq aqparat quraldaryn osy protsedýraǵa qatysýǵa shaqyryp, halyqqa kórsetetin bolamyz», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Eske sala ketsek, ázirge úsh myń eriktige qazaqstandyq QazCovid-in vaktsinasy egildi.
26 qańtarda Úkimettiń keńeitilgen otyrysynda Memleket basshysy Qasym-Jomart Toqaev ta koronavirýsqa qarsy qazaqstandyq vaktsinany saldyratynyn málimdegen edi.
