Túrkistan oblysyna «Densaýlyq» meditsinalyq poiyzy keldi. Sońǵy úlgidegi qondyrǵylarmen jabdyqtalǵan otarbadaǵy mamandar 29 qarashaǵa deiin aýyl turǵyndaryn tekserýden ótkizip, dárigerlik keńes beredi, dep habarlaidy "(Ult aqparat".
6 qarashada Otyrar aýdanynyń Temir stantsiiasyna kelip toqtaǵan «Densaýlyq» poiyzy 8-9 qarashada - Otyrar aýdany, Qaraqońyr stantsiiasyna, 10 qarashada - Taldyqudyq stantsiiasyna, 11 qarashada - Arys qalasy, Shaǵyr stantsiiasyna, 12-13 qarashada - Montaitas stantsiiasyna, 14 qarashada - Shanaq stantsiiasyna, 15-16 qarashada - Sheńgeldi stantsiiasyna, 17 qarashada - Saryaǵash aýdany, Jylǵa stantsiiasyna, 18-19 qarashada - Darbaza stantsiiasyna, 20 qarashada - Ordabasy aýdany, Qalash stantsiiasynda, 21-22 qarashada - Badam stantsiiasynda, 23 qarashada - Igilik stantsiiasynda, 24-25 qarashada - Sairam aýdany, Qyzylsai stantsiiasynda, 26 qarashada - Yntymaq stantsiiasynda, 27-28 qarashada - Túlkibas aýdany, Sastóbe stantsiiasynda, 29 qarashada - Kókterek, Túlkibas stantsiialarynda aialdap, meditsinalyq qyzmetterdi kórsetedi.
Aita keteiik, Qazaqstannyń shalǵai jatqan temirjol stansalaryna aialdaityn poiyzdyń sapary biylǵy 21 jeltoqsanda aiaqtalady. 240 kún ishinde temirjol boiynda ornalasqan aýyldardyń turǵyndaryna shamamen 230 mln teńgeniń qyzmeti kórsetilmek.
«Áleýmettik meditsinalyq saqtandyrý qory» baspasóz qyzmetiniń málimetinshe, barlyǵy 40 myńǵa jýyq adamǵa meditsinalyq kómek kórsetý josparlanyp otyr. Sońǵy úlgidegi qondyrǵylarmen jabdyqtalǵan poiyzdarda terapevt, pediatr, nevropatolog, okýlist, LOR, ginekolog, hirýrg, ýrolog, mammolog, onkolog siiaqty mamandar bar.
Sondai-aq, túrli zertteýler men diagnostika túrleri, kishigirim hirýrgiialyq operatsiialar men stomatologiialyq qyzmetter kórsetiledi.
