Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Memleket basshysy Qasym-Jomart Toqaev Densaýlyq qorǵaý júiesinde túbegeili ózgerister kerek ekenin aitty, - dep habarlaidy «Ult aqparat».
«Qazirgi daǵdarys búkil álemge meditsina, bilim berý, áleýmettik qorǵaý syndy áleýmettik sala máseleleri qanshalyqty mańyzdy ekendigin kórsetip berdi. Bizge densaýlyq qorǵaý júiesiniń sapasyn arttyrýǵa, meditsinalyq mekemelerdi tolyqqandy tehnologiialyq qaita jabdyqtaýǵa, meditsina qyzmetkerleriniń quziretin arttyrýǵa baǵyttalǵan túbegeili ózgerister qajet. Shuǵyl áreket etý júiesin beiimdeý kez kelgen sipattaǵy tótenshe jaǵdaiǵa talap etiledi», - dedi QR Prezidenti.
Memleket basshysy halyqty infektsiialyq baqylaý, telemeditsina engizý jáne qashyqtan diagnostikalaý úshin ádister ázirlenýi tiistigin basa aitty.
«Ulttyq sanitarlyq-epidemiologiialyq qyzmetti túbegeili kúsheitýge týra keledi», - dedi Qasym-Jomart Toqaev.
