Nuraly Qiiasovtyń burynǵy qyzy onyń ómiri men ustalýy týraly aitty, dep habarlaidy Baq.kz aqparat agenttigi NewTimes.kz saityna silteme jasap.
Onyń aitýynsha, ol Nuraly Qiiasov turǵan Jambyl oblysynyń Merke aýylynyń janyndaǵy aýylda turǵan. Ekeýi úsh jyldan astam ýaqyt boiy romantikalyq qarym-qatynasta bolǵan.
«Men ony 10 jyldan astam ýaqyt boiy tanimyn. Kóńildi, bai otbasynan shyqqan adam mundaiǵa bara almaidy dep oilaimyn. Onyń anasy mektepte jumys isteidi. Úlken aǵasy aýyl sharýashylyǵymen ainalyssa, kishi baýyry - stýdent. Ol tolyqqandy otbasynan shyqqan adam. Dostary da jaqsy adamdar. Ol mektep bitirgen soń Merke aýdanyndaǵy kolledjge túsken», - deidi ol.
Ol Nuraly Qiiasovtyń ata-anasynyń sharýa qojalyqtary bar ekenin, sondai-aq ajyrasyp ketkenderin, ákesi basqa áielge ketip qalǵandyǵyn aitty.
«Biz úsh jyldai kezdestik. Onyń oǵash qylyqtaryn baiqaǵan joqpyn. Ol qyzýqandy emes, tynysh, sabyrly adam. Dostarymen kerisip, tipti tóbelesip qalǵan kezderi bolǵan, biraq birinshi bolyp keshirim suraityn», - deidi ol.
Ol qaiǵyly oqiǵa boiynsha aiyptalýyna bailanysty óz nusqasyn aitty.
«Politsiia qyzmetkerleriniń ádisteri kóp. Múmkin ony májbúrlegen bolar. Ekeýmizdiń ortaq dostarymyz kóp. Ol bulai etken joq, bul kezdeisoqtyq dep oilaimyz. Shýdy toqtatý úshin osylai istedi dep oilaimyz», - deidi ol.
Ol Nuraly Qiiasov Almatyǵa 18 jasynda kóship ketkenin, ekspeditor, taýar boiynsha keńesshi bolyp jumys istegenin aitty.
«Ol aýylǵa kelip-ketip júretin. Kolledj bitirgen soń Almatyǵa ketti. Jarty jyldan keiin aýylǵa qaityp kelip, bir jyldai boldy da, qaitadan Almatyǵa ketti», - deidi ol.
Qyz Nuraly Qiiasovtyń isti bolǵany týraly bilmeidi.
«Men onyń kólik júrgizý kýáligi bolǵanyn bilemin. Ol kýálikten úsh jylǵa aiyrylyp qalǵan. Al isti bolǵany týraly bilmeimin. Onymen sońǵy ret bir ai buryn sóileskem. Meni Almatyǵa shaqyrdy. Men ýaqytym joq ekenin, jumys istep júrgenimdi aittym. Men onyń kináli ekenine senbeimin. Halyq onyń ata-anasyn balaǵattap jatyr, al ata-ananyń bul iske qatysy joq», - deidi ol.
