نۇرالى قيياسوۆتىڭ بۇرىنعى قىزى ونىڭ ٶمٸرٸ مەن ۇستالۋى تۋرالى ايتتى, دەپ حابارلايدى Baq.kz اقپارات اگەنتتٸگٸ NewTimes.kz سايتىنا سٸلتەمە جاساپ.
ونىڭ ايتۋىنشا, ول نۇرالى قيياسوۆ تۇرعان جامبىل وبلىسىنىڭ مەركە اۋىلىنىڭ جانىنداعى اۋىلدا تۇرعان. ەكەۋٸ ٷش جىلدان استام ۋاقىت بويى رومانتيكالىق قارىم-قاتىناستا بولعان.
«مەن ونى 10 جىلدان استام ۋاقىت بويى تانيمىن. كٶڭٸلدٸ, باي وتباسىنان شىققان ادام مۇندايعا بارا المايدى دەپ ويلايمىن. ونىڭ اناسى مەكتەپتە جۇمىس ٸستەيدٸ. ٷلكەن اعاسى اۋىل شارۋاشىلىعىمەن اينالىسسا, كٸشٸ باۋىرى - ستۋدەنت. ول تولىققاندى وتباسىنان شىققان ادام. دوستارى دا جاقسى ادامدار. ول مەكتەپ بٸتٸرگەن سوڭ مەركە اۋدانىنداعى كوللەدجگە تٷسكەن», - دەيدٸ ول.
ول نۇرالى قيياسوۆتىڭ اتا-اناسىنىڭ شارۋا قوجالىقتارى بار ەكەنٸن, سونداي-اق اجىراسىپ كەتكەندەرٸن, ەكەسٸ باسقا ەيەلگە كەتٸپ قالعاندىعىن ايتتى.
«بٸز ٷش جىلداي كەزدەستٸك. ونىڭ وعاش قىلىقتارىن بايقاعان جوقپىن. ول قىزۋقاندى ەمەس, تىنىش, سابىرلى ادام. دوستارىمەن كەرٸسٸپ, تٸپتٸ تٶبەلەسٸپ قالعان كەزدەرٸ بولعان, بٸراق بٸرٸنشٸ بولىپ كەشٸرٸم سۇرايتىن», - دەيدٸ ول.
ول قايعىلى وقيعا بويىنشا ايىپتالۋىنا بايلانىستى ٶز نۇسقاسىن ايتتى.
«پوليتسييا قىزمەتكەرلەرٸنٸڭ ەدٸستەرٸ كٶپ. مٷمكٸن ونى مەجبٷرلەگەن بولار. ەكەۋمٸزدٸڭ ورتاق دوستارىمىز كٶپ. ول بۇلاي ەتكەن جوق, بۇل كەزدەيسوقتىق دەپ ويلايمىز. شۋدى توقتاتۋ ٷشٸن وسىلاي ٸستەدٸ دەپ ويلايمىز», - دەيدٸ ول.
ول نۇرالى قيياسوۆ الماتىعا 18 جاسىندا كٶشٸپ كەتكەنٸن, ەكسپەديتور, تاۋار بويىنشا كەڭەسشٸ بولىپ جۇمىس ٸستەگەنٸن ايتتى.
«ول اۋىلعا كەلٸپ-كەتٸپ جٷرەتٸن. كوللەدج بٸتٸرگەن سوڭ الماتىعا كەتتٸ. جارتى جىلدان كەيٸن اۋىلعا قايتىپ كەلٸپ, بٸر جىلداي بولدى دا, قايتادان الماتىعا كەتتٸ», - دەيدٸ ول.
قىز نۇرالى قيياسوۆتىڭ ٸستٸ بولعانى تۋرالى بٸلمەيدٸ.
«مەن ونىڭ كٶلٸك جٷرگٸزۋ كۋەلٸگٸ بولعانىن بٸلەمٸن. ول كۋەلٸكتەن ٷش جىلعا ايىرىلىپ قالعان. ال ٸستٸ بولعانى تۋرالى بٸلمەيمٸن. ونىمەن سوڭعى رەت بٸر اي بۇرىن سٶيلەسكەم. مەنٸ الماتىعا شاقىردى. مەن ۋاقىتىم جوق ەكەنٸن, جۇمىس ٸستەپ جٷرگەنٸمدٸ ايتتىم. مەن ونىڭ كٸنەلٸ ەكەنٸنە سەنبەيمٸن. حالىق ونىڭ اتا-اناسىن بالاعاتتاپ جاتىر, ال اتا-انانىڭ بۇل ٸسكە قاتىسى جوق», - دەيدٸ ول.
