Almaty politsiiasy Olimpiada júldegeri Denis Tenniń ólimine qatysty kúdiktimen tergeý eksperimentin júrgizip jatyr. Bul týraly jelide beinejazba tarap jatyr, dep habarlaidy QazAqparat tilshisi.
24 jasar Nuraly Qiiasovty kúndiz quqyq qorǵaýshylar Qurmanǵazy men Baiseiitov qiylysyna alyp keldi. Tergeýshiler qylmystyq árekettiń hronologiiasyn anyqtaýda. Tergeý eksperimentiniń barysy kóp adamnyń nazaryn aýdartyp, tiym salynsa da beinejazbaǵa túsirgender boldy. Beinerolikte kúdikti betin jasyrǵany baiqalady.
Quqyq qorǵaý organynyń qyzmetkerleri kúdiktimen birge Shevchenko men Nazarbaev kósheleriniń qiylysyna deiin bardy. Keiin ony kólikke otyrǵyzyp alyp ketti.
Buǵan deiin aitylǵandai, ustalǵan jigit kinásin moiyndaǵan bolatyn.
Almaty politsiiasy Denis Tenniń ólimine kúdikti ekinshi adamdy izdestirýdi jalǵastyryp jatyr.
Ol boljam boiynsha Qyzylorda oblysynyń týmasy, 24 jastaǵy Arman Qudaibergenov.
