الماتى پوليتسيياسى وليمپيادا جٷلدەگەرٸ دەنيس تەننٸڭ ٶلٸمٸنە قاتىستى كٷدٸكتٸمەن تەرگەۋ ەكسپەريمەنتٸن جٷرگٸزٸپ جاتىر. بۇل تۋرالى جەلٸدە بەينەجازبا تاراپ جاتىر, دەپ حابارلايدى قازاقپارات تٸلشٸسٸ.
24 جاسار نۇرالى قيياسوۆتى كٷندٸز قۇقىق قورعاۋشىلار قۇرمانعازى مەن بايسەيٸتوۆ قيىلىسىنا الىپ كەلدٸ. تەرگەۋشٸلەر قىلمىستىق ەرەكەتتٸڭ حرونولوگيياسىن انىقتاۋدا. تەرگەۋ ەكسپەريمەنتٸنٸڭ بارىسى كٶپ ادامنىڭ نازارىن اۋدارتىپ, تيىم سالىنسا دا بەينەجازباعا تٷسٸرگەندەر بولدى. بەينەروليكتە كٷدٸكتٸ بەتٸن جاسىرعانى بايقالادى.
قۇقىق قورعاۋ ورگانىنىڭ قىزمەتكەرلەرٸ كٷدٸكتٸمەن بٸرگە شەۆچەنكو مەن نازارباەۆ كٶشەلەرٸنٸڭ قيىلىسىنا دەيٸن باردى. كەيٸن ونى كٶلٸككە وتىرعىزىپ الىپ كەتتٸ.
بۇعان دەيٸن ايتىلعانداي, ۇستالعان جٸگٸت كٸنەسٸن مويىنداعان بولاتىن.
الماتى پوليتسيياسى دەنيس تەننٸڭ ٶلٸمٸنە كٷدٸكتٸ ەكٸنشٸ ادامدى ٸزدەستٸرۋدٸ جالعاستىرىپ جاتىر.
ول بولجام بويىنشا قىزىلوردا وبلىسىنىڭ تۋماسى, 24 جاستاعى ارمان قۇدايبەرگەنوۆ.
