Áigili qazaqstandyq mánerlep syrǵanaýshy Denis Tendi aqtyq saparǵa shyǵaryp salý rásimi 21 shilde kúni Balýan Sholaq sport saraiynda ótedi, dep habarlaidy "Ult aqparat" Almaty ákimdiginiń baspasóz qyzmetine silteme jasap.
Qoshtasý rásimi saǵat 10-00-de Balýan Sholaq sport saraiynda bastalady.
Aita keteiik, belgili qazaqstandyq mánerlep syrǵanaýshy Denis Ten pyshaqtan alǵan jaraqatymen aýrýhanaǵa 19 shilde kúni tús kezinde jetkizildi.
Almaty qalalyq IID-niń málimetteri boiynsha, belgisiz bireýler sportshynyń kóliginiń ainasyn urlamaq bolǵan.
Oqiǵanyń ústinen túsken sportshyny urylar jambasynan jaraqattaǵan.
Sportshy 3 litr qan joǵaltqan. Dárigerler onyń jaǵdaiyn óte aýyr dep baǵalady.
Keshirek QR Densaýlyq saqtaý ministrliginiń baspasóz hatshysy Ernar Ákimqulov sportshynyń qaza bolǵandyǵyn jariialady.
Búgin QR Ishki ister ministrligi Denis Tenniń ólimine kúdiktilerdiń biriniń ustalǵanyn jariia etti.
Sondai-aq prokýratýra ókilderi ustalǵan kúdiktiniń qylmys jasaǵanyn moiyndaǵanyn jariialady.
