Qazaqstan densaýlyq saqtaý vitse-ministri Lázat Aqtaeva aýyr jaraqat alǵan Denis Tendi nege jaqyn mańdaǵy Ortalyq klinikalyq aýrýhanaǵa jetkizbegenin túsindirdi.
Budan buryn qazaqstandyqtardy "Ten shabýyl bolǵan jerge jaqyn ornalasqan Ministrler keńesiniń (Sovminovskaia) aýrýhanasyna nege jatqyzylmady?" degen suraq mazalaǵan edi.
"Almaty densaýlyq saqtaý basqarmasynyń aitýynsha, shuǵyl hirýrgiialyq bólim Ortalyq qalalyq klinikalyq aýrýhanasynda ornalasqan. Sol sebepti, Ortalyq klinikalyq aýrýhanada(Sovminovskaia) shuǵyl hirýrgiialyq bólim bolmaǵandyqtan, naýqas Ortalyq qalalyq klinikalyq aýrýhanaǵa jetkizildi", — dedi Aqtaeva juma kúni tilshilerge.
Ol atap ótkendei, naýqasty tasymaldaý kezinde tiisti jansaqtaý sharalary tolyǵymen atqarylǵan.
"Bul – ýaqyt faktory. Qabyldaý bólimi aptasyna 7 kún 24 saǵat isteitin statsionarǵa jetkizý kerek bolatyn", — deidi vitse-ministr.
Denis Ten Almatyda 25 jasynda kóz jumdy. Tústen keiin úsh kezinde Baiseiitov jáne Qurmanǵazy kósheleriniń qiylysyndaǵy meiramhanadan shyqqan ol kóliginiń ainasyn sheship alǵaly jatqan eki jigitti kóredi. Olardy toqtatýǵa umtylǵan Denis Ten jambasynan pyshaq jaraqatyn alǵan. Dárigerler onyń ómirine arasha túse almady, 3 litr qan joǵaltqan Denis 17.30-da aýrýhanada jan tapsyrdy.
