قازاقستان دەنساۋلىق ساقتاۋ ۆيتسە-مينيسترٸ لەزات اقتاەۆا اۋىر جاراقات العان دەنيس تەندٸ نەگە جاقىن ماڭداعى ورتالىق كلينيكالىق اۋرۋحاناعا جەتكٸزبەگەنٸن تٷسٸندٸردٸ.
بۇدان بۇرىن قازاقستاندىقتاردى "تەن شابۋىل بولعان جەرگە جاقىن ورنالاسقان مينيسترلەر كەڭەسٸنٸڭ (سوۆمينوۆسكايا) اۋرۋحاناسىنا نەگە جاتقىزىلمادى?" دەگەن سۇراق مازالاعان ەدٸ.
"الماتى دەنساۋلىق ساقتاۋ باسقارماسىنىڭ ايتۋىنشا, شۇعىل حيرۋرگييالىق بٶلٸم ورتالىق قالالىق كلينيكالىق اۋرۋحاناسىندا ورنالاسقان. سول سەبەپتٸ, ورتالىق كلينيكالىق اۋرۋحانادا(سوۆمينوۆسكايا) شۇعىل حيرۋرگييالىق بٶلٸم بولماعاندىقتان, ناۋقاس ورتالىق قالالىق كلينيكالىق اۋرۋحاناعا جەتكٸزٸلدٸ", — دەدٸ اقتاەۆا جۇما كٷنٸ تٸلشٸلەرگە.
ول اتاپ ٶتكەندەي, ناۋقاستى تاسىمالداۋ كەزٸندە تيٸستٸ جانساقتاۋ شارالارى تولىعىمەن اتقارىلعان.
"بۇل – ۋاقىت فاكتورى. قابىلداۋ بٶلٸمٸ اپتاسىنا 7 كٷن 24 ساعات ٸستەيتٸن ستاتسيونارعا جەتكٸزۋ كەرەك بولاتىن", — دەيدٸ ۆيتسە-مينيستر.
دەنيس تەن الماتىدا 25 جاسىندا كٶز جۇمدى. تٷستەن كەيٸن ٷش كەزٸندە بايسەيٸتوۆ جەنە قۇرمانعازى كٶشەلەرٸنٸڭ قيىلىسىنداعى مەيرامحانادان شىققان ول كٶلٸگٸنٸڭ ايناسىن شەشٸپ العالى جاتقان ەكٸ جٸگٸتتٸ كٶرەدٸ. ولاردى توقتاتۋعا ۇمتىلعان دەنيس تەن جامباسىنان پىشاق جاراقاتىن العان. دەرٸگەرلەر ونىڭ ٶمٸرٸنە اراشا تٷسە المادى, 3 ليتر قان جوعالتقان دەنيس 17.30-دا اۋرۋحانادا جان تاپسىردى.
