Almaty qalalyq soty Denis Ten isi boiynsha apelliatsiialyq shaǵymdy qarap jatyr, dep habarlaidy QazAqparat tilshisi sot zalynan.
Otyrys barysynda advokat Amangeldi Sarievtiń aitýynsha, sottalǵan Janar Tolybaeva 6 naýryzda ekinshi balasyn bosanǵan. Al sábidiń densaýlyǵynda kinárat bar.
Apelliatsiialyq otyrysta jábirlenýshi tarap eki ótinish aitty.
Denis Tenniń anasy sottalýshylardyń jazasyn qataitýdy, atap aitqanda, aldyn ala sóz bailasý arqyly jaldanyp adam óltirý babyn qoldanýdy surady. Osy maqsatta birinshi ótinish retinde isti prokýratýraǵa qaita jiberip, qaita tergeýge ótinish jasalǵan.
Sonymen qatar, jábirlenýshi tarap ekinshi ótinish retinde sotqa aldyńǵy otyrysta jaýap alynbaǵan kýálardy shaqyrýdy surady.
Aita ketsek, belgili sportshy, Olimpiada júldegeri Denis Tendi óltirgen Arman Qudaibergenov, Nuraly Qiiasov jáne Janar Tolybaevalar 17 qańtarda sottalǵan bolatyn. Sýdia eki sottalýshyny 18 jylǵa bas bostandyǵynan aiyrý, júkti áiel Tolybaevany 4 jylǵa bas bostandyǵynan aiyrý týraly úkim shyǵardy.
