الماتى قالالىق سوتى دەنيس تەن ٸسٸ بويىنشا اپەللياتسييالىق شاعىمدى قاراپ جاتىر, دەپ حابارلايدى قازاقپارات تٸلشٸسٸ سوت زالىنان.
وتىرىس بارىسىندا ادۆوكات امانگەلدٸ ساريەۆتٸڭ ايتۋىنشا, سوتتالعان جانار تولىباەۆا 6 ناۋرىزدا ەكٸنشٸ بالاسىن بوسانعان. ال سەبيدٸڭ دەنساۋلىعىندا كٸنەرات بار.
اپەللياتسييالىق وتىرىستا جەبٸرلەنۋشٸ تاراپ ەكٸ ٶتٸنٸش ايتتى.
دەنيس تەننٸڭ اناسى سوتتالۋشىلاردىڭ جازاسىن قاتايتۋدى, اتاپ ايتقاندا, الدىن الا سٶز بايلاسۋ ارقىلى جالدانىپ ادام ٶلتٸرۋ بابىن قولدانۋدى سۇرادى. وسى ماقساتتا بٸرٸنشٸ ٶتٸنٸش رەتٸندە ٸستٸ پروكۋراتۋراعا قايتا جٸبەرٸپ, قايتا تەرگەۋگە ٶتٸنٸش جاسالعان.
سونىمەن قاتار, جەبٸرلەنۋشٸ تاراپ ەكٸنشٸ ٶتٸنٸش رەتٸندە سوتقا الدىڭعى وتىرىستا جاۋاپ الىنباعان كۋەلاردى شاقىرۋدى سۇرادى.
ايتا كەتسەك, بەلگٸلٸ سپورتشى, وليمپيادا جٷلدەگەرٸ دەنيس تەندٸ ٶلتٸرگەن ارمان قۇدايبەرگەنوۆ, نۇرالى قيياسوۆ جەنە جانار تولىباەۆالار 17 قاڭتاردا سوتتالعان بولاتىن. سۋديا ەكٸ سوتتالۋشىنى 18 جىلعا باس بوستاندىعىنان ايىرۋ, جٷكتٸ ەيەل تولىباەۆانى 4 جىلعا باس بوستاندىعىنان ايىرۋ تۋرالى ٷكٸم شىعاردى.
