38 jastaǵy qaraǵandylyq Janar Bólegenovanyń ólimi jaily tyń aqparattar shyqty, - dep habarlaidy KTK telearnasy.
Telearna málimetinshe, sol kúni kelinshekte ózimen birge 5 million teńge bolǵan. Týystarynyń sózinshe, ol alaiaqtardyń arbaýyna túsken. Sebebi ol bir qarjylyq júiege aqsha salyp, az ýaqyt ishinde paiyzymen qaitaryp alyp turǵan. Birneshe ret paidaǵa kenelgen soń, týǵan-týystardan qaryzdanyp júrip 5 million teńge jinap alypty.
Alaida qomaqty qarajatty aparyp bergen adamy ony býyndyryp óltirgen. Máiitti qalanyń shetki aýdanyna taksimen jetkizip, temir jáshikke tastaǵan. Marqumnyń artynda kámeletke tolmaǵan eki balasy qaldy. Kúdikti ustalǵan.
"Jedel izdestirý sharalary barysynda 36 jastaǵy kúdikti ustalyp, moiyndaý kórsetpelerin berdi. Búgingi tańda QR Qylmystyq kodeksiniń 99-baby boiynsha is tirkelip, sonyń aiasynda oqiǵanyń mán-jaiy anyqtalady", - deidi Qaraǵandy oblystyq PD baspasóz hatshysy Jańatai Sembekov.
