38 جاستاعى قاراعاندىلىق جانار بٶلەگەنوۆانىڭ ٶلٸمٸ جايلى تىڭ اقپاراتتار شىقتى, - دەپ حابارلايدى كتك تەلەارناسى.
تەلەارنا مەلٸمەتٸنشە, سول كٷنٸ كەلٸنشەكتە ٶزٸمەن بٸرگە 5 ميلليون تەڭگە بولعان. تۋىستارىنىڭ سٶزٸنشە, ول الاياقتاردىڭ ارباۋىنا تٷسكەن. سەبەبٸ ول بٸر قارجىلىق جٷيەگە اقشا سالىپ, از ۋاقىت ٸشٸندە پايىزىمەن قايتارىپ الىپ تۇرعان. بٸرنەشە رەت پايداعا كەنەلگەن سوڭ, تۋعان-تۋىستاردان قارىزدانىپ جٷرٸپ 5 ميلليون تەڭگە جيناپ الىپتى.
الايدا قوماقتى قاراجاتتى اپارىپ بەرگەن ادامى ونى بۋىندىرىپ ٶلتٸرگەن. مەيٸتتٸ قالانىڭ شەتكٸ اۋدانىنا تاكسيمەن جەتكٸزٸپ, تەمٸر جەشٸككە تاستاعان. مارقۇمنىڭ ارتىندا كەمەلەتكە تولماعان ەكٸ بالاسى قالدى. كٷدٸكتٸ ۇستالعان.
"جەدەل ٸزدەستٸرۋ شارالارى بارىسىندا 36 جاستاعى كٷدٸكتٸ ۇستالىپ, مويىنداۋ كٶرسەتپەلەرٸن بەردٸ. بٷگٸنگٸ تاڭدا قر قىلمىستىق كودەكسٸنٸڭ 99-بابى بويىنشا ٸس تٸركەلٸپ, سونىڭ اياسىندا وقيعانىڭ مەن-جايى انىقتالادى", - دەيدٸ قاراعاندى وبلىستىق پد باسپاسٶز حاتشىسى جاڭاتاي سەمبەكوۆ.
