«Qazgidromet» RMK aldaǵy 20-22 sáýir kúnderine arnalǵan aýa raiy boljamyn jariialady, dep habarlaidy "Ult aqparat".
Qazaqstannyń ońtústiginde kóktem óz kúshine endi, al respýblikanyń soltústiginde kerisinshe, kún sýytyp ketti. Munda aldaǵy demalys kúnderi bultty aýa raiy saqtalady. Jylbysqy qar jaýyp, túngi aýa temperatýrasy minýs 10°S saqtalady, bul - klimattyq normadan 3...5°S tómen. Mundai aýa raiy Karsk teńizine Barents arqyly birinen keiin biri jyljityn belsendi tsiklonmen bailanysty. Al osy tsiklonnyń júiesine enetin arktikalyq fronttar Qazaqstannyń soltústigindegi aýa raiyna yqpalyn tigizetin bolady.
Respýblikanyń ońtústik oblystary burynǵydai ońtústik frontaldyq bólikterdiń jáne onymen bailanysty atmosferalyq fronttardyń yqpalynda bolady. Sondyqtan, demalys kúnderi jańbyr, kei jerlerde nóser jańbyr jaýady. Naizaǵai jarqyldap, kei jerlerde burshaq jaýýy múmkin. Biraq munda kún jyly, kúndiz aýa temperatýrasy pliýs 15...22°S deiin jylynady, al bul ortasha kópjyldyq mánge jaqyn.
