Sinoptikter aldaǵy demalys kúnderine arnalǵan aýa raiy boljamyn jariialady, dep habarlaidy "Ult aqparat" »Qazgidromet« RMK baspasóz qyzmetine silteme jasap.
Qazaqstan arqyly aqyryndap jyljyp jatqan sýyq atmosferalyq fronttardyń áserinen elimizdiń batys jáne soltústik oblystarynda jaýyn-shashyn bolady. Aýa temperatýrasy tómendep, úsik júredi.
Al demalys kúnderi sol fronttardyń yqpalynan Qazaqstannyń qalǵan aýmaǵynda kei jerlerde jańbyr jaýyp, kún sýytady. Ortalyqta jáne shyǵysta túngi temperatýra minýs 1…5°S-qa deiin tómendeidi.
Respýblikanyń ońtústiginde jáne ońtústik-shyǵysynda 30 gradýstyq ystyqtan keiin dúisenbi kúni termometrdiń synap baǵanasy kúndiz tek pliýs 12…18°S kórsetedi.
