Foto: Julia Sudnitskaya / Shutterstock
Qazgidromet 1 shilde men 3 shilde aralyǵyndaǵy aýa raiyna boljamyn usyndy, - dep habarlaidy "Ult aqparat".
Sinoptikter málimetinshe, atmosferalyq frontal bólikterdiń ótýimen eldiń basym bóliginde jańbyr men burshaq jaýyp, naizaǵai oinap, ekpindi jel soǵady dep boljanyp otyr. Tek 1-2 shildede soltústik jáne ortalyqta, 2-3 shildede shyǵysta jaýyn-shashynsyz aýa raiy kútiledi.
Sondai-aq 1-2 shildede batysta, 2-3 shildede soltústik-batysta, 1 shildede elimizdiń shyǵysynda qatty jańbyr jaýady. Al 3 shildeden bastap elimizdiń batysynda jaýyn-shashynsyz aýa raiy kútiledi.
Aýa temperatýrasy batysta kúndiz +27+35 deiin, soltústik-batysta +22+32 deiin, soltústikte, elimizdiń ortalyǵynda +30+35 deiin, shyǵysta +25+33 deiin, ońtústik-shyǵysta +32+37 gradýsqa deiin kóterilse, ońtústikte negizgi fon +32+40 gradýs bolady dep boljanǵan.
