Foto: narodna-pravda.ua
Sinoptikter 18-20 naýryzǵa arnalǵan aýa raiy boljamyn usyndy, - dep habarlaidy "Ult aqparat".
Kezeńniń basynda atmosferalyq frontaldy bólimderdiń ótýimen respýblikanyń basym bóliginde jaýyn-shashyn (jańbyr, qar), soltústik, shyǵys jartysynda qar, jaiaý burqasyn, kóktaiǵaq, ońtústik jartysynda jańbyr, naizaǵai, 19 naýryzda Almaty oblysynyń, Jetisý oblysynyń taýly aýdandarynda qatty jaýyn-shashyn (jańbyr, qar) kútiledi. Tek elimizdiń batysynda aýa raiy jaýyn-shashynsyz bolady.
Antitsiklonnyń enýimen kezeńniń ekinshi jartysynda jaýyn-shashynsyz aýa-raiy kútiledi. Respýblika boiynsha tuman, jeldiń kúsheiýi boljanady.
"Temperatýralyq fonǵa keletin bolsaq, aitarlyqtai ózgerister kútilmeidi, tek kezeńniń ekinshi jartysynda QR soltústik-batysynda, soltústiginde, ortalyǵynda, shyǵysynda aýa temperatýrasy túnde 7-20 aiazǵa deiin, kúndiz 0-8 aiazǵa deiin tómendeýi kútiledi", - delingen habarlamada.
