Sinoptikter 22-24 qazanǵa arnalǵan aýa raiy boljamyn usyndy, - dep habarlaidy "Ult aqparat".
Boljam boiynsha, 22 qazanda Soltústik tsiklon jyrasy Qazaqstan aýmaǵyna aýysady, ol birinshi kezekte eldiń soltústik jartysyna áser etedi, saldarynan jaýyn-shashyn jańbyr men qar kútiledi, tuman men kóktaiǵaq bolady. Tek eldiń ońtústigi men shyǵysynda jyly aýa raiy saqtalady, biraq 23 qazanda tsiklon jyrasy shyǵysqa qarai jyljyp, aýa raiynyń turaqsyz sipaty kútiledi. 23 qazannan bastap batysta, 24 qazannan bastap soltústikte Batys antitsiklon jotasy áserinen jaýyn-shashyn toqtap, aýa temperatýrasy tómendeidi dep kútiledi.
Aýa temperatýrasy:
- batysta túnde 5 gradýs aiaz - 5 gradýs jyly, kúndiz 2-12 gradýs jyly;
- soltústik, soltústik-batys, soltústik-shyǵysta túnde 0-8 gradýs jylydan 0-8 gradýs aiazǵa deiin, kúndiz 2-10 gradýs jylydan 2 gradýs aiaz - 5 gradýs jylyǵa deiin tómendeidi;
- respýblikanyń ortalyǵynda túnde 2-10 gradýs jylydan 0-8 gradýs jylyǵa deiin, kúndiz 8-18 gradýs jylydan 3 gradýs aiaz – 5 gradýs jylyǵa deiin tómendeidi;
- elimizdiń shyǵysynda túnde 3 gradýs aiaz - 5 gradýs jylydan 0-8 gradýs aiazǵa deiin, kúndiz 12-20 gradýs jylydan 3 gradýs aiaz - 5 gradýs jylyǵa deiin tómendeidi;
- ońtústik, ońtústik-shyǵysta túnde 5-12 gradýs jyly, taýly aýdandarda 0-5 gradýs aiazdan 0-5 gradýs jyly, taýly aýdandarda 5-10 gradýs aiazǵa deiin, kúndiz 20-25 gradýs jyly, taýly aýdandarda 12-17 gradýs jylydan 5-13 gradýs jyly, taýly aýdandarda 2 gradýs aiaz - 5 gradýs jylyǵa deiin kúrt tómendeýi boljanady.
