Qazgidromet demalys kúnderge arnalǵan aýa raiy boljamyn jariialady, dep habarlaidy "Ult aqparat".
«16-17 qańtarda respýblikanyń batysy men soltústiginde Jerorta teńizi tsiklonynyń yqpalymen aýa raiy turaqsyz bolady – kei jerlerde jaýyn-shashyn bolady. Batysta qar men jańbyr túrinde, soltústikte - qar, sondai-aq kei jerlerde jaiaý burqasynmen jeldiń kúsheiýi jáne aýa temperatýrasynyń joǵarylaýy kútiledi. Batysta kei jerlerde kóktaiǵaq kútiledi. Qazaqstannyń qalǵan aýmaǵynda jaýyn-shashynsyz aýa raiy kútiledi. Respýblika boiynsha kei jerlerde tuman túsedi», - delingen habarlamada.
