Delta Bank-tiń burynǵy top-menedjerleri ustaldy. Bul aqparatty Qarjylyq monitoring agenttigi rastady, dep habarlaidy "Ult aqparat".
Atap aitqanda, direktorlar keńesiniń tóraǵasy Galina Shalǵymbaeva, basqarma tóraǵasy Nurlan Samzaev men basqarma múshesi Kenjegúl Qanatbaeva ustalǵan.
«Iá, rasynda da atalǵan azamattardyń ustalǵanyn rastaimyz. Tergeý múddesine sáikes bul iske qatysty basqa aqparat jariialanbaidy», - dep habarlady Qarjylyq monitoring agenttiginiń baspasóz qyzmetinen.
Eske sala ketsek, buǵan deiin Qazaqstan depozitterdi kepildendirý qory «Delta Bank» AQ salymshylaryna tólem tóleý ýaqytyn 2021 jyldyń 23 mamyryna deiin sozǵan bolatyn. «TsentrKreditBanki» AQ tiisti kelisimshartqa qol qoidy. Kórsetilgen merzim ishinde «Delta Bank» AQ salymshylary agent bankke júginip, kepildik berilgen ótemdi tóleý jónindegi ótinishti tikelei nemese senim bildirilgen tulǵa arqyly usyna alady.
