Delta Bank-تٸڭ بۇرىنعى توپ-مەنەدجەرلەرٸ ۇستالدى. بۇل اقپاراتتى قارجىلىق مونيتورينگ اگەنتتٸگٸ راستادى, دەپ حابارلايدى "ۇلت اقپارات".
اتاپ ايتقاندا, ديرەكتورلار كەڭەسٸنٸڭ تٶراعاسى گالينا شالعىمباەۆا, باسقارما تٶراعاسى نۇرلان سامزاەۆ مەن باسقارما مٷشەسٸ كەنجەگٷل قاناتباەۆا ۇستالعان.
«يە, راسىندا دا اتالعان ازاماتتاردىڭ ۇستالعانىن راستايمىز. تەرگەۋ مٷددەسٸنە سەيكەس بۇل ٸسكە قاتىستى باسقا اقپارات جارييالانبايدى», - دەپ حابارلادى قارجىلىق مونيتورينگ اگەنتتٸگٸنٸڭ باسپاسٶز قىزمەتٸنەن.
ەسكە سالا كەتسەك, بۇعان دەيٸن قازاقستان دەپوزيتتەردٸ كەپٸلدەندٸرۋ قورى «Delta Bank» اق سالىمشىلارىنا تٶلەم تٶلەۋ ۋاقىتىن 2021 جىلدىڭ 23 مامىرىنا دەيٸن سوزعان بولاتىن. «تسەنتركرەديتبانكٸ» اق تيٸستٸ كەلٸسٸمشارتقا قول قويدى. كٶرسەتٸلگەن مەرزٸم ٸشٸندە «Delta Bank» اق سالىمشىلارى اگەنت بانككە جٷگٸنٸپ, كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ تٸكەلەي نەمەسە سەنٸم بٸلدٸرٸلگەن تۇلعا ارقىلى ۇسىنا الادى.
