Foto: depositphotos.com
Qarjy ministrliginiń Memlekettik kirister komiteti tabys deklaratsiiasyn tapsyrmaǵany úshin qandai jaza qarastyrylǵanyn túsindirdi, dep habarlaidy Sputnik Qazaqstan.
Memlekettik kirister komitetiniń departament direktory Nurjan Qýandyqovtyń aitýynsha, deklaratsiiany tapsyrmaǵany úshin aldymen eskertý jasalady. Al osy zań buzýshylyq bir jyldyń ishinde qaitalansa, 51 750 teńge (15 AEK) kóleminde aiyppul salynady.
"Deklaratsiiada tolyq emes nemese anyq emes málimetterdi birinshi ret usynǵany úshin – eskertý, al bir jyl ishinde qaitalap buzǵany úshin – 10 350 teńge (3 AEK) kóleminde aiyppul salynady", - dedi Qýandyqov ortalyq kommýnikatsiialar qyzmetinde ótken brifingte.
Salyq zańnamasyna sáikes, obektilerin jasyrǵany úshin de aiyppul bar. Iaǵni tólenbegen salyq somasynyń 200% mólsherinde qarjy óndiriledi. Al zań buzýshylyq bir jyldyń ishinde qaitalansa, aiyppul 300% bolady.
Qazaqstanda eki jyl buryn jalpyǵa birdei deklaratsiialaý bastaldy. Aldymen memlekettik qyzmetshiler men olarǵa teńestirilgen adamdar, sondai-aq olardyń jubailary, odan keiin kvazimemlekettik sektordyń qyzmetkerleri men olardyń jubailary tabys esebin tapsyrýǵa mindetteldi. Al kelesi jyldan bastap zańdy tulǵalardyń basshylary, quryltaishylary, jeke kásipkerlerdiń basshylary, sondai-aq olardyń jubailary, shamamen 3,9 million adam deklaratsiia tapsyrady.
Aita keteri, deklaratsiia adamnyń turǵylyqty jeri boiynsha 2024 jyldyń 15 qyrkúiegine deiin tapsyrylady. Sondai-aq tabys esebin "Salyq tóleýshiniń kabineti", "Elektrondy úkimet" veb-portaldary, "e-salyqAzamat", Halyk, Bank Tsentrkredit mobildi qosymshalary arqyly tapsyrýǵa bolady.
Deklaratsiiany qaǵazben poshta arqyly tapsyrýǵa da múmkindik bar.
