Dúniejúzilik densaýlyq saqtaý uiymy (DSU) direktory shaqyrǵan Tótenshe jaǵdailar komiteti shekaradan ótken kezde COVID-19 vaktsinatsiiasy týraly sertifikatty talap etý mindetti emes ekendigin málim etti. Sebebi vaktsinalar barlyǵyna birdei qoljetimsiz jáne olardyń infektsiianyń taralýyn boldyrmaýdaǵy tiimdiligi dáleldenbegen. Onyń tek aýrýdyń asqynýynan qorǵaityndyǵy belgili, dep habarlaidy QazAqparat BUU jańalyqtar ortalyǵyna silteme jasap.
Komitet sonymen qatar koronavirýstyń jańa shtammyna qatysty usynystar jasady: sarapshylar elderdiń virýstyń genomdaryn retke keltirý salasyndaǵy múmkindikterin keńeitýge, iaǵni mýtatsiiany anyqtaýǵa jol ashatyn protsedýra, sondai-aq túrli elderdiń ǵalymdary arasynda belsendi aqparat almasýdy jolǵa qoiý.
DDU-da buryn habarlanǵandai, vaktsinalar Covid-19-tyń asqynýynan qorǵaidy, biraq vaktsina alǵan adamnyń múldem juqtyrmaityndyǵy jáne aýrýdy basqalarǵa juqtyrmaityndyǵy áli dáleldengen joq. Ǵalymdardyń qolynda bar málimetter óte shekteýli. Sondyqtan komitet músheleri shekaradan ótken kezde «vaktsinatsiia týraly tólqujat» talap etý qajet emes deidi.
«Bizde bul daýyldan aman qalýdyń bir joly bar: biz qolymyzdaǵy qarajatty bir-birimizben bólisýimiz kerek jáne olardy birge paidalaný mindettemesin ustanýymyz qajet», - dedi DDU bas direktory Tedros Gebreiiýs brifingte sóilegen sózinde.
