Dúniejúzilik densaýlyq saqtaý uiymynyń (DDSU) sarapshylar toby Ýhan virýsologiia institýtynyń zerthanasynda bardy, dep habarlaidy "Ult aqparat".
DDSU delegatsiia tobynyń jetekshisi, zoonozdy infektsiialar jáne azyq-túlik qaýipsizdigi jónindegi sarapshy Piter Ben Embarek «Hýantsiý Shibao» basylymyna sársenbide Dúniejúzilik densaýlyq saqtaý uiymynyń sarapshylary Ýhan virýsologiia institýty men R4 zerthanasyna barǵany týraly aqparatty rastady.
Buǵan deiin qytailyq BAQ-qa bergen suhbatynda Piter Ben Embarek onyń komandasy COVID-19 pandemiiasy kezinde álemge tanymal bolǵan qytailyq virýsolog Shi Chjenlimen kezdesýdi josparlaǵanyn aitqan bolatyn.
Eske sala keteiik, DDSU sarapshylary 14 qańtarda COVID-19 virýsynyń shyǵý sebepterin zertteý úshin Ýhanǵa kelgen edi.
Carapshylar toby 28 qańtarda Ýhanda (Hýbei provintsiiasy) jumysyn bastady. Óitkeni Qytaiǵa shetelden kelgenderdiń barlyǵy mindetti túrde eki aptalyq karantinde bolýy kerek.
DDSU sarapshylarynyń Ýhan virýsologiia institýtyna saparynyń nátijeleri týraly ázirge málimet joq.
