Ótken aptada álem boiynsha koronavirýsqa shaldyǵýshylardyń rekordtyq sany tirkeldi. Bul týraly Dúniejúzilik densaýlyq saqtaý uiymynyń epidemiologiialyq biýlleteninde jariialandy, dep habarlaidy "Ult aqparat".
19-25 qazan aralyǵynda 2,8 mln COVID-19 anyqtalǵan. Bul – pandemiia bastalǵaly eń joǵary kórsetkish. Bir apta ishinde koronavirýstan 40 myńǵa jýyq adam kóz jumǵan.
DDSU málimetteri boiynsha, aýrý, ásirese, Eýropa óńirinde jyldam taraýda. COVID-19 juqtyrýdyń jańa jaǵdailarynyń jartysy atalǵan aimaqtan tirkelgen. Bir apta ishinde Eýropada 1,3 millionnan astam adam koronavirýsqa shaldyqqan. Bul – aldyńǵy aptadaǵy kórsetkishten 33% -ǵa kóp.
Koronavirýs juqtyrýdyń aptalyq ósimi boiynsha alǵashqy bestiktegi elder:
Frantsiiada — 217,7 myń adam aýrý juqtyrǵan;
Ulybritaniiada — 148,5 myń;
Reseide — 114,5 myń;
Italiiada — 101,9 myń;
Belgiiada — 90,8 myń.
