Dúniejúzilik densaýlyq saqtaý uiymy koronavirýs infektsiiasyn saralaýdyń jańa kodyn engizdi. Bul týraly Dúniejúzilik densaýlyq saqtaý uiymynyń Eýropalyq aimaqtyq biýrosynyń direktory Hans Kliýge aitty, dep habarlaidy QazAqparat.
«Sońǵy birneshe aidyń ishinde COVD-19 aýrýy jáne oǵan qarsy kúres boiynsha jańa bilim aldyq. DDSU bul aýrýdy saralaýdyń jańa kodtaryn engizdi. Pnevmoniianyń kúrt óskeni týraly Qazaqstan tarapynan málimet kelip tústi. Onyń biri sol COVID-19 aýrýymen bailanysty. DDSU-nyń referens-zerthanalarynda testileý múmkindigin jasaǵan Qazaqstannyń Densaýlyq saqtaý ministrligine alǵysymdy bildirgim keledi. Sonymen qatar, Densaýlyq saqtaý ministrligi aýrýdy jańasha saralaýǵa kelisti. Bul qadam COVID-19 aýrýynyń yqtimal jaǵdailary boiynsha patsientterdi jetkilikti dárejede saralaýǵa múmkindik beredi. Bul – Eýropalyq aimaqtaǵy jáne álemdegi árbir memleketter aýrýlardy saralaýdyń halyqaralyq talaptaryna sai baǵalap jatqanyn kórsetedi», - dedi Hans Kliýge.
Onyń aitýynsha árbir aýrýǵa kod belgilenedi.
«Memleketterdiń kóbi osy modelmen júrer degen senimdemin», - dep esepteidi Hans Kliýge.
Eske sala ketsek Qazaqstanda pnevmoniiamen aýyrǵandar KVI juqtyrǵandardyń statistikasyna engiziletin boldy. Osylaisha COVID-19 boiynsha jańa statistika 1 tamyzdan bastap júrgiziledi.
