Koronavirýsqa qarsy ekpe alǵandar sany juqtyrǵandar sanynan asyp ketti. Bul týraly juma kúni DDSU basshysy Tedrýs Gebreiesýs aitty, dep habarlaidy BUU jańalyqtar saity.
Sondai-aq, ol ekpeniń tórtten úsh bóligi álemdik JIÓ-niń 60 paiyzy tiesili 10 elde jasalǵanyn atap ótti. Jalpy 2,5 milliard adam turatyn basqa 130 elde birde-bir adamǵa ekpe jasalmady.
«Kei elderde qaýip tobyna jatpaityn adamdardyń da biraz bóligine vaktsina salyndy. Kez kelgen úkimet óz halqyn qorǵaýǵa mindetti. Biraq vaktsinasy bar elder ózderiniń meditsina qyzmetkerleri men qarttaryna ekpe salǵannan keiin, turǵyndarynyń qalǵan bóligin qorǵaǵysy kelse, vaktsinamen bólisý kerek», - dedi dáriger Tedros.
«Álemdegi qaýip tobyndaǵy adamdarǵa ekpe egý úshin qanshalyqty kóp ýaqyt ketse, biz virýstyń mýtatsiialanyp, vaktsinany «aldaýyna» sonshalyqty kóp múmkindik beremiz. Basqasha aitqanda, biz virýsty jumylyp jeńbesek, bastalǵan jerge qaita oralamyz», - dep túsindirdi ol.
Aita ketsek, sársenbi kúni DDSU men onyń seriktesteri COVAX bastamasy aiasynda koronavirýsqa qarsy vaktsinany bólýdiń alǵashqy aralyq boljamyn jariialady. Kóptegen el turǵyndardy vaktsinatsiialaý kampaniiasyn bastaýǵa daiyn, biraq ázirge preparattar jetkiliksiz.
Dáriger Tedros vaktsinasy bar memleketterdi basqa eldermen bólisýge shaqyrdy.
«Sondai-aq biz vaktsina óndirýdi kóbeitýimiz kerek. Ótken aptada Sanofi kompaniiasy Pfizer/BioNTech vaktsinalaryn óndirý úshin óziniń óndiristik infraqurylymyn usynatynyn aitty. Biz basqa kompaniialardyń da osydan úlgi alǵanyn qalaimyz», - dedi Tedros myrza.
