كوروناۆيرۋسقا قارسى ەكپە العاندار سانى جۇقتىرعاندار سانىنان اسىپ كەتتٸ. بۇل تۋرالى جۇما كٷنٸ ددسۇ باسشىسى تەدرۋس گەبرەيەسۋس ايتتى, دەپ حابارلايدى بۇۇ جاڭالىقتار سايتى.
سونداي-اق, ول ەكپەنٸڭ تٶرتتەن ٷش بٶلٸگٸ ەلەمدٸك جٸٶ-نٸڭ 60 پايىزى تيەسٸلٸ 10 ەلدە جاسالعانىن اتاپ ٶتتٸ. جالپى 2,5 ميلليارد ادام تۇراتىن باسقا 130 ەلدە بٸردە-بٸر ادامعا ەكپە جاسالمادى.
«كەي ەلدەردە قاۋٸپ توبىنا جاتپايتىن ادامداردىڭ دا بٸراز بٶلٸگٸنە ۆاكتسينا سالىندى. كەز كەلگەن ٷكٸمەت ٶز حالقىن قورعاۋعا مٸندەتتٸ. بٸراق ۆاكتسيناسى بار ەلدەر ٶزدەرٸنٸڭ مەديتسينا قىزمەتكەرلەرٸ مەن قارتتارىنا ەكپە سالعاننان كەيٸن, تۇرعىندارىنىڭ قالعان بٶلٸگٸن قورعاعىسى كەلسە, ۆاكتسينامەن بٶلٸسۋ كەرەك», - دەدٸ دەرٸگەر تەدروس.
«ەلەمدەگٸ قاۋٸپ توبىنداعى ادامدارعا ەكپە ەگۋ ٷشٸن قانشالىقتى كٶپ ۋاقىت كەتسە, بٸز ۆيرۋستىڭ مۋتاتسييالانىپ, ۆاكتسينانى «الداۋىنا» سونشالىقتى كٶپ مٷمكٸندٸك بەرەمٸز. باسقاشا ايتقاندا, بٸز ۆيرۋستى جۇمىلىپ جەڭبەسەك, باستالعان جەرگە قايتا ورالامىز», - دەپ تٷسٸندٸردٸ ول.
ايتا كەتسەك, سەرسەنبٸ كٷنٸ ددسۇ مەن ونىڭ سەرٸكتەستەرٸ COVAX باستاماسى اياسىندا كوروناۆيرۋسقا قارسى ۆاكتسينانى بٶلۋدٸڭ العاشقى ارالىق بولجامىن جارييالادى. كٶپتەگەن ەل تۇرعىنداردى ۆاكتسيناتسييالاۋ كامپانيياسىن باستاۋعا دايىن, بٸراق ەزٸرگە پرەپاراتتار جەتكٸلٸكسٸز.
دەرٸگەر تەدروس ۆاكتسيناسى بار مەملەكەتتەردٸ باسقا ەلدەرمەن بٶلٸسۋگە شاقىردى.
«سونداي-اق بٸز ۆاكتسينا ٶندٸرۋدٸ كٶبەيتۋٸمٸز كەرەك. ٶتكەن اپتادا Sanofi كومپانيياسى Pfizer/BioNTech ۆاكتسينالارىن ٶندٸرۋ ٷشٸن ٶزٸنٸڭ ٶندٸرٸستٸك ينفراقۇرىلىمىن ۇسىناتىنىن ايتتى. بٸز باسقا كومپانييالاردىڭ دا وسىدان ٷلگٸ العانىن قالايمىز», - دەدٸ تەدروس مىرزا.
