Álem elderi qazirgi koronavirýs pandemiiasynan sabaq alyp, jańa indetter men pandemiiaǵa daiyndalýy kerek. Bul týraly dúisenbide Dúniejúzilik densaýlyq saqtaý uiymynyń (DDSU) bas direktory Tedros Adan Gebreiesýs málim etti, dep habarlaidy TASS agenttigi.
«Biz bárimiz pandemiia úiretetin sabaqtardy úirenýimiz kerek», - dedi. DDSU basshysy atap ótkendei, «jańa epidemiialar men pandemiialarǵa daiyndyq, olardyń aldyn alý, anyqtaý jáne olarǵa jedel áreket etý úshin densaýlyq saqtaý qyzmetterimen jappai qamtý jáne alǵashqy meditsinalyq kómek negizinde barlyq múmkindikti jasaý kerek», -dedi Tedros Adan Gebreiesýs Shaǵyn aral memleketteriniń densaýlyq saqtaý sammitine qatysýshylarǵa telebailanys arqyly sóilegen sózinde.
COVID-19 pandemiiasy týraly aita otyryp, Gebreiesýs «vaktsinalyq teńsizdik pen vaktsinalyq ultshyldyqqa» nazar aýdardy, bul «tabysy joǵary jáne tómen elder arasyndaǵy alshaqtyqty» arttyrdy. Onyń aitýynsha, koronavirýsqa qarsy barlyq ekpeniń 77%-y qazir álemniń 10 memleketine tiesili
«Eger elder vaktsinalardy dereý COVAX mehanizmimen bólisse jáne óndirýshiler COVAX tapsyrystaryna basymdyq berse, onda biz qyrkúiekke qarai ár elhalqynyń kem degende 10%-yn jáne jyldyń sońyna deiin kem degende 40%-yn vaktsinalai alamyz», - dedi bas direktor. Ol qyrkúiekke deiin «vaktsinanyń qosymsha 250 million dozasyn» izdeý kerek ekenin eske saldy.
DDSU COVAX mehanizmine úlken mán beredi. Baǵdarlama sharttaryna sáikes, tabysy joǵary elder jan basyna shaqqandaǵy tabysy tómen memleketter úshin vaktsinalardy satyp alýǵa tólem jasaidy. Mehanizm aiasynda 2021 jyldyń sońyna qarai búkil álemde koronavirýsqa qarsy vaktsinalardyń 2 milliard dozasy óndirilip, birkelki taratylýy kerek dep josparlanýda.
