Dúniejúzilik densaýlyq saqtaý uiymynyń bas direktory Tedros Adanom Gebreiesýsqa koronavirýs infektsiiasyn juqtyryp alǵan adammen bailanysta bolǵan soń óz-ózin oqshaýlaýǵa týra keldi. Bul týraly ol Twitter paraqshasynda málim etti, dep habarlaidy "Ult aqparat".
«Meniń COVID-19 virýsyna shaldyqqan adammen bailanysta bolǵanym anyqtaldy. Ózimdi jaqsy sezinip júrmin, aýrýdyń belgileri joq, biraq DDSU hattamasyna sáikes aldaǵy kúnderi óz-ózimdi oqshaýlap, úiden jumys isteimin» dep jazdy DDSU basshysy áleýmettik jelide.
«Bizdiń densaýlyq saqtaý boiynsha barlyq keńesti saqtaýymyz óte mańyzdy. COVID-19 virýsynyń taralý tizbegin osylaisha úzip, densaýlyq saqtaý júiesin dál osylai qorǵap qala alamyz», - dep atap ótti Tedros Adanom Gebreiesýs.
«Uiymdaǵy áriptesterim jáne men adam ómirin qorǵap, saqtap qalý úshin yntymaqtastyq belgisi retinde, seriktes retinde ary qarai aralasamyz» dep qosyp ótti ol.
DDSU málimetinshe, pandemiia bastalǵaly álemde 46 millionnan astam adam koronavirýs juqtyrǵan. Qaýipti virýs ǵalamshardaǵy 1,1 millionnan astam adamnyń ómirin qiyp áketti.
