Dúisenbide Eýropanyń taǵy birneshe eli AstraZeneca vaktsinasyn qoldanýdy ýaqytsha toqtatty. Yqtimal asqynýlarǵa bailanysty bul preparatpen ázirge halyqty vaktsinalamaý sheshimin qabyldaǵan memleketterdiń tizimin Frantsiia, Germaniia jáne Italiia tolyqtyrdy, dep habarlaidy "Ult aqparat" BUU jańalyqtaryna silteme jasap.
DDSU basshysy doktor Tedros Gebreiesýs atap ótkendei, onyń uiymy jaǵdaidy muqiiat qadaǵalap otyr jáne tergeý júrgizilýde.
Esterińizge sala keteiik, AstraZeneca vaktsinasyn alǵan eýropalyqtar arasynda azdaǵan tromboz jaǵdailary oryn alǵany anyqtaldy. Másele Eýropada óndirilgen osy preparattyń eki partiiasy jóninde bolyp otyr. Osydan keiin Eýropanyń birqatar eliniń biligi tergeý nátijeleri belgili bolǵanǵa deiin osy vaktsinany qoldanýdy toqtata turý týraly sheshim qabyldady.
DDSU sarapshylary tromboz jaǵdailary men AstraZeneca vaktsinasy arasyndaǵy bailanys áli rastalmaǵanyn aitady. Sonymen qatar, sarapshylardyń aitýynsha, álemde júzdegen million vaktsina jasaldy jáne ázirge odan birde-bir ólim resmi túrde tirkelgen joq.
Kóptegen elderde vaktsinalaý áli bastalmady
«Kún saiyn maǵan álemniń saiasi jetekshileri qońyraý soǵady. Óz elderi COVAX aiasynda vaktsinalardy qashan alatynyn suraidy», – deidi DDSU basshysy.
«Olardyń keibiri alańdaýly, men onyń sebebin túsinemin. Olar álemdegi eń bai elderdiń vaktsinalardy kóp mólsherde satyp alyp jatqanyn kórip otyr. Mundai kólemdegi vaktsinamen kedei elderdiń turǵyndaryn birneshe ret vaktsinalaýǵa bolady. Alaida, bul elderde birde-bireýi joq», – dep qosty ol.
DDSU basshysy sonymen birge COVID-19-ben kúreste Yntymaqtastyq qory qurylǵannan beri bir jyl ótkenin eske saldy. Osy kezeńde qor 242 milliard dollar jinady. DDSU tarihynda alǵash ret qaiyrymdylyq jeke tulǵalardan da kelip tústi. Ondaǵan elderge jeke qorǵanys quraldary, koronavirýsqa testiler men meditsinalyq jabdyqtar jetkizildi.
Eske salaiyq, buǵan deiin Oksford ýniversiteti men AstraZeneca kompaniiasy óndirgen vaktsinany qoldanýdy Irlandiia, Bolgariia, Daniia, Islandiia, Norvegiia jáne Tailand ýaqytsha toqtatqan bolatyn.
Al Dúniejúzilik densaýlyq saqtaý uiymy AstraZeneca vaktsinasy men qan uiyǵyshtyq arasynda eshqandai dálel joq ekenin málimdep, pandemiiamen kúreste vaktsinany qoldanýdy jalǵastyrýǵa shaqyrdy.
